Учора пайшоў з жыцця вядомы доктар-анколаг, які прапрацаваў у гэтай сферы некалькі дзясяткаў гадоў і да 2009 года ўзначальваў РНПЦ анкалогіі і медыцынскай радыялогіі імя Аляксандрава Іосіф Залуцкі. Яму было 67 гадоў.
Апошнія гады Іосіф Віктаравіч пакутаваў на анкалагічнае захворванне, паведамляе Tut.by.
Сп. Залуцкі быў вядомы як высокапрафесійны спецыяліст у галіне анкалогіі апорна-рухальнага апарата, галавы, шыі, рэканструктыўна-аднаўленчай хірургіі. Ён аўтар больш 445 навуковых і навукова-метадычных работ, дзесяці манаграфій, уладальнік 28 патэнтаў.
У адным з каментароў ён казаў, што на развіццё раку ў тым ліку можа паўплываць і стрэс.
«Стрэс грае ў канцэрагенезе асноватворную ролю. Пачынаеш размаўляць з пацыенткай і чуеш: «Я страціла мужа, ён загінуў. Раней я была такая здаровая, працавала ў калгасе, як конь, не пакладаючы рук». І гэта можа быць як рак страўніка, так і меланома скуры. Гэтай праблемай неабходна заняцца вельмі сур'ёзна», - лічыў Іосіф Залуцкі.
Развітанне з Іосіфам Залуцкім пройдзе заўтра, 15 чэрвеня, з 12.00 да 13.00 у БелМАПА па адрасе: вуліца Петруся Броўкі, 3.
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары