.png)
Прэс-сакратар Белтэлерадыёкампаніі Святлана Смалонская-Краскоўская даслала «Нашай Ніве» каментар наконт сітуацыі з наездам на грамадскіх актывістаў ля рэстарана «Паедзем, паядзім».
Там, нагадаем, сямейная пара наехала на людзей, якія пратэстуюць супраць адкрыцця рэстарана ля мемарыяла.
Чытайце: Скандал у Курапатах: колішняя тэлевядучая БТ і яе муж-бізнэсмен наехалі на аўто на двух пікетоўцаў
У жанчыне з гэтай пары неўзабаве прызналі Стэлу Чыркову — чалавека, які з'яўляўся ў эфіры БТ.
Але, як сцвярджаюць на БТ, Чыркову нельга называць тэлевядучай кампаніі, бо яна там не працуе.
«Стэла Чыркова, якую назвалі дзейнай вядучай «Беларусь-3», непрацяглы час была пазаштатным супрацоўнікам і працавала па дамове. У цяперашні час Чыркова не з'яўляецца нават пазаштатным супрацоўнікам, а праграма «Ди@блог о литературе» не выходзіць на каналах холдынга з сакавіка 2017 года. У праекта было некалькі вядучых, якія вялі праграму па-беларуску і па-руску», — гаворыцца ў паведамленні прэс-службы БТ.
