14.06.2018 / 12:17

У Каменнай Горцы школьнік рабіў падпалы ў шматпавярховіках ФОТА 9

Фрунзенскім раённым аддзелам Мінска Следчага камітэта завершана расследаванне крымінальнай справы па абвінавачванні 15-гадовага школьніка ў здзяйсненні падпалаў, паведамляе СК.

Днём 5 лютага падлетак падпаліў кардонныя скрынкі ў падсобным памяшканні на лесвічнай пляцоўцы 10-га паверха дома на вул. Нёманскай. У выніку былі пашкоджаныя і знішчаныя ўваходныя дзверы, званкі, дыванкі трох кватэр і маёмасць кааператыва на 6,4 тыс. рублёў. 3 мая школьнік падпаліў дзверы на 9-м паверсе дома па вул.Каменнагорскай. Шкода склала 1 тысячу рублёў.

У абодвух выпадках супрацоўнікі МНС ліквідоўвалі ўзгаранне. Дзякуючы аператыўнай дапамозе ратавальнікаў і разумным дзеянням жыхароў ніхто не пацярпеў.

Камерай відэаназірання ў пад'ездзе былі зафіксаваныя абставіны другога падпалу. Гэта дазволіла праз некалькі гадзін вылічыць асобу падазраванага і затрымаць яго. Раней да адміністрацыйнай і крымінальнай адказнасці падлетак не прыцягваўся, на прафілактычных уліках не знаходзіўся. Ён мог ўсведамляць грамадскую небяспеку сваіх дзеянняў і кіраваць імі.

Дзевяцікласнік у дні падпалаў прагульваў школу. Выбіраў кватэры выпадковым чынам у дамах свайго мікрараёна. Пасля падпалу сыходзіў з месца здарэння і на вуліцы назіраў за працай МНС.

З санкцыі пракурора падлетак заключаны пад варту. Шкода пацярпелым кампенсавана часткова. Крымінальная справа накіраваная ў суд. 

4
Белорус / Адказаць
14.06.2018 / 12:33
Ничего вы не понимаете. Он выполнял спецзадание фирмы, которая устанавливает системы видеонаблюдения и пожаротушения. На этот раз выбрал дом неудачно.
0
Белорус / Адказаць
14.06.2018 / 13:57
Между прочим в нашем доме точно так же происходило. Два раза неизвестные устраивали пожар в подъезде, а через неделю приходили бизнесмены и предлагали установить видеокамеры.
1
Член партии Курца / Адказаць
14.06.2018 / 17:44
А что тут удивительного? Побольше каменных горок и скоро запылает весь Минск, пока льготные родители чарко-шкварочники попивают пивко лежа на диванах почесывая свои пивные животики в свои 25-30 неполных лет. 
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру