14.06.2018 / 14:37

У Івацэвіцкім раёне на прыватным прадпрыемстве цяжка траўмаваны падлетак

Няшчасны выпадак адбыўся 12 чэрвеня на тэрыторыі прыватнага вытворчага прадпрыемства, паведамляе прэс-служба СК.

Каля 12 гадзін рабочыя знайшлі ля вібрапрэсавай устаноўкі 16-гадовага падлетка з цяжкімі цялеснымі пашкоджаннямі. Школьнік быў экстрана шпіталізаваны. Цяпер ён у рэанімацыі.

Па дадзеных следства, 11 чэрвеня юнак быў дапушчаны да працы без заключэння працоўнага дагавора, навучання і інструктажу па тэхніцы бяспекі. На наступны дзень яму даручылі размяшчаць драўляныя брускі паміж паддонамі з гатовай прадукцыяй (тратуарнай пліткай) на вібрапрэсавай устаноўцы.

У дачыненні да дырэктара прадпрыемства заведзена крымінальная справа (парушэнне правілаў аховы працы), ён затрыманы. 

Каб пакінуць каментар, калі ласка, актывуйце JavaScript у наладах свайго браўзеру