14.06.2018 / 17:05

КДК: Ліпай ужо сплаціў падаткі, але трэба высветліць, адкуль атрымліваў грошы. Ліпая вызвалілі пасля допыту дапоўнена 18

Кіраўнік беларускага незалежнага інфармацыйнага агенцтва БелаПАН Алесь Ліпай падазраецца ва ўхіленні ад выплаты падаткаў на суму 173 тысячы рублёў, паведамляе КДК. Пасля допыту яго адпусцілі.

У дачыненні да яго распачата крымінальная справа па ч. 2 арт. 243 Крымінальнага кодэкса Беларусі (ухіленне ад выплаты падаткаў).

Ліпая падазраюць у тым, што ён не заплаціў падаходны падатак з даходаў, атрыманых за мяжой.

Паведамляецца, што нібыта ў 2016-2017 гг. Ліпай атрымаў ад нерэзідэнтаў Беларусі даход на агульную суму больш за 1,3 мільёна рублёў, не падаў падатковыя дэкларацыі і не выплаціў падаходны падатак. Такім чынам, паведамляе КДК, Ліпай не выплаціў падаткаў на суму 173 тысячы рублёў.

Ліпай прызнаў парушэнне заканадаўства і заплаціў падатак і пеню ў памеры больш за 191 тысяча рублёў. Але з улікам таго, што памер урону перавысіў 1 тысячу базавых велічынь, фінансавая міліцыя абавязаная высветліць абставіны атрымання грошай.

БелаПАН — адзінае ў краіне незалежнае інфармацыйнае агенцтва. БелаПАН быў таксама генеральным спонсарам канцэрта на Дзень Волі ў 2018 годзе.

52-гадовы Алесь Ліпай вядомы таксама як аўтар некалькіх зборнікаў паэзіі і чалавек вялікай мужнасці. У чэрвені 1996 года, падчас аперацыі па вызваленні дзяцей, узятых у закладнікі тэрарыстам у дзіцячым садку ў Мінску, браў інтэрв'ю ў тэрарыста, адцягваючы тым самым ягоную ўвагу на сябе. Ліпай стварыў БелаПАН яшчэ ў 1991 годзе і нязменна ім кіраваў.

3
Калядка / Адказаць
14.06.2018 / 17:13
Выбары не за гарамі. Справа будзе вельмі адказная. Трэба пачысціць.
1
ўантуфры / Адказаць
14.06.2018 / 17:21
Ой, у міня возніклі подозренія, пойду-ка я абшманаю чалавека, пагляджу - а мо ён дзе схаваў залатыя сліткі, заадно кіну яго у кутузку - авось прызнаецца сам, каб мне не напружвацца і тлумачыць свае падазрэнія. Прызнаніе ж - каралева даказухі. А будзет упіраться - я ему прэс-хату баабяцаю - быстра падпіша.
3
Казік / Адказаць
14.06.2018 / 17:36
Бач якія настырныя.  Налічылі падаткаў, дык яшчэ хочуць ведаць адкуль чалавек грошы ўзяў.  Трэба зберагаць маўчанне і не прызнавацца..
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру