21.06.2018 / 10:12

30 чэрвеня — вандроўка да сівога Нёмана праз унікальныя мясціны 7

Храмы з найбагацейшай гісторыяй, наднёманская архітэктура і краявіды, адпачынак на адным з найпрыгажэйшых вадаёмаў Беларусі — усё гэта ў экскурсіі, у якую запрашае фонд «Краіна замкаў».

Найперш яе ўдзельнікі агледзяць сапраўдны шэдэўр беларускай сярэднявечнай архітэктуры: Сынковіцкую царкву-крэпасць Архангела Міхаіла.

Да гэта дня гісторыкі спрачаюцца пра тое, хто ўсё ж такі пабудаваў гэты суровы храм: вялікі князь літоўскі Вітаўт ці невядомы фундатар у пачатку XVI стагоддзя.

Сёння падаецца фантастыкай, але дзвесце год таму слава пра Ганненскі кірмаш у Зэльве грымела на ўсю Еўропу.

Мы наведаем гэта даўняе ўладанне Сапегаў, пабачым Траецкі касцёл, вежы-шпілі якога прабіваюцца скрозь шчыльную забудову. А з мясцовых гор адкрываецца чароўная панарама Зэльвенскага вадасховішча.

За пару кіламетраў ад Зэльвы, у Крамяніцы, захаваўся храмавы комплекс XVII стагоддзя, касцёл Святога Юрыя 1617—20 гадоў.

У храме знаходзіцца ўнікальнае рэнесанснае надмагілле роду Вольскіх: не толькі ў Беларусі, ва ўсёй былой Рэчы Паспалітай аналагаў — адзінкі.

Далей маршрут экскурсіі пойдзе на Масты. На шляху мы праз кожныя некалькі кіламетраў будзем сустракаць найцікавейшыя помнікі культуры. Гэта і сядзіба Сухадольскіх у Вялікай Рагозніцы, і праваслаўная царква ў Пацавічах, і магіла паўстанцаў 1863-га.

Непадробнае захапленне выклікае каталіцкі храм у Струбніцы.

Траецкі касцёл — помнік драўлянай архітэктуры XVIII стагоддзя. Ён стаіць у адасобленым, пустэльным месцы. Акружаны шляхецкімі пахаваннямі, саркафагамі з гербамі, храм нібы правакуе на настальгію па часах пекных паннаў і шляхотных кавалераў.

Далей — Пескі з касцёлам Маці Божай Ружанцовай, адным з самых цікавых помнікаў неаготыкі на нашых землях…

У фінале — сустрэча з сівым Нёманам. На беразе велічнай ракі, у Левых Мастах, захаваўся маляўнічы сядзібны дом пачатку ХХ стагоддзя. Тут будзе ўнікальная магчымасць пашпацыраваць па самым доўгім у краіне пешаходным падвесным мосце над ракой.

Завершыць падарожжа адпачынак на пляжы Зэльвенскага вадасховішча.

Даведацца падрабязнасці і запісацца ў вандроўку ў край, авеяны сівымі легендамі, можна па тэлефонах:

(17) 203-69-70

(17) 226-03-02

(29) 682-58-07

(29) 772-77-58

Болей інфармацыі — на сайце www.zamak.by.

Фонд «Краіна замкаў». УНП 690382807

2
Жвiр / Адказаць
15.06.2018 / 14:55
Jak šmat možna ūbačyc` (i dakranucca) cikavaha i pryhožaha.
2
фцф / Адказаць
15.06.2018 / 21:36
А чаму Нёман "сівы"? Прыпяць ці Дняпро зусім не сівыя. Мо панёманцы ў яго сівуху зьліваюць? Бацьку свайго роднага зусім спаілі ... 
6
сколько можно / Адказаць
16.06.2018 / 12:02
фоты без людей мёртвыя...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру