29.10.2008 / 20:01

Куклы дыскаграфія 4

Кайф, West Records, 2008. Глуздоў няшмат, але скляпана па законах жанру. Піша Сяргей Будкін.

Кайф, West Records, 2008. Глуздоў няшмат, але скляпана па законах жанру. Піша Сяргей Будкін.

Тое, што робяць «Куклы» даўно ўжо можна лічыць музыкай са знакам якасьці. Іх новы альбом дае падставы паставіць перад «якасьцю» яшчэ слоўца «супэр». Калі б «Куклы» знаходзіліся ў беларускім кантэксьце, гэты альбом мог быць такім жа выбуховым, як у свой час «Одзірыдзідзіна» N.R.M. Можа быць, Sanki і ня надта цягне на лідэра пакаленьня, але з жыцьцёвай філязофіяй у яго ўсё нармальна («Легенда»), а тут яшчэ маем песьню з прэтэнзіяй на хард-коравы гімн пакаленьня («Поколение NEXT»). Усё гэта змацавана фірмовым назойліва-энэргічным гукам ды чытанкаю-вакалам Sanki, што, як заўважыў сам вакаліст у песеньцы «Мікрафон», «маладзее з кожным альбомам». «Куклы» ўмеюць трымаць слухача ў напрузе, іхны «Кайф», як добры галівудзкі экшн. Няхай сабе і глуздоў няшмат, калі разабрацца, але скляпана ўсё па законах жанру. Сваім альбомам гурт «Куклы» засьведчылі, што яны ня толькі могуць трымаць плянку на вышыні альбомаў «Гукавая зброя» ды «Дысцыпліна хаосу», але і ўздымаць яе вышэй.

Сяргей Будкін

0
dream / Адказаць
29.10.2008 / 20:52
вы хоць шаноўны крытык ведаеце што завецца хардкорам...падвучыцеся..."куклы" не як не хардкор...у хардкора ёсць канкрэтныя рысы ,якія характэрны стылю - палітызаванасць,некамерцыйнасць..,крык у мікрафон і жорсткія хуткія рыфы... "APPLE SHOUT" вось гэта сапраўдны белхардкор...дарэчы ў пачатку гэтага месяца выйшаў іх другіальбом..
0
Махмуд Асланбэкаў / Адказаць
29.10.2008 / 21:44
А калі, спадарове, пачнем рэклямаваць расейскамоўную літаратуру Беларусі?
0
Man_Overboard / Адказаць
30.10.2008 / 01:54
Куклы - гэта не хардкор...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру