18.06.2018 / 12:10

Ударыла 20 разоў: маці з Радашковічаў, якая біла дачку і сына рамянём, аштрафавалі, але дзяцей не вярнулі 17

Суд Маладзечанскага раёна аштрафаваў маці з Радашковічаў, у якой забралі дзевяць дзяцей. Жанчыну абвінавацілі ў тым, што яна біла старэйшых дзяцей рамянём, піша Tut.by.

Шматдзетную маці судзілі за тое, што пакарала дзяцей 19 і 20 сакавіка.

На суд прыйшлі пацярпелыя дзеці, школьны псіхолаг, а таксама дырэктар Радашковіцкай школы-інтэрната, дзе цяпер знаходзяцца шасцёра дзяцей з дзевяці. Трое малодшых цяпер у прыёмнай сям'і, у сваякоў бацькоў.

Устаноўлена, што позна ўвечары 19 сакавіка маці ўдарыла дачку рамянём па ягадзіцах каля дзесяці разоў. У судзе яна прызнала — такое было.

— Пакарала дачку рамянём. Ёй было канкрэтна сказана схадзіць у краму і вярнуцца. Крама недалёка, а пакуль яна вярнулася, прайшло гадзіны паўтары. Я стала высвятляць, дзе яна была — у адказ яна пачала маніць.

Дачка даручэнне выканала, прадукты купіла, а каралі яе менавіта за тое, што доўга хадзіла ў краму. Маці патлумачыла суддзі: лічыць, правільна зрабіла, што пакарала.

20 сакавіка маці знайшла ў сына кавалак спаленай газеты. Яго таксама каля 10 разоў ударылі рамянём.

Суд прызнаў шматдзетную маму вінаватай у правапарушэнні па ч 1 арт 91 КаАП. Яна павінна выплаціць штраф 15 базавых велічыняў (360 рублёў 50 капеек). Пасля суда, ля ўваходу, дзеці і мама пяшчотна абдымаліся на развітанне.

Дзеці са шматдзетнай сям'і цяпер у статусе тых, хто застаўся без апекі бацькоў. Бацькі правоў не пазбаўленыя, у іх ёсць паўгода на тое, каб выправіцца. У жніўні камісія па справах непаўналетніх павінна вырашыць, ці вернуцца дзеці да бацькоў.

15
? / Адказаць
18.06.2018 / 12:37
Ну раз шлёпнула бы и всё. Зачем десять раз?
13
Кент8 / Адказаць
18.06.2018 / 13:55
Это трындец товарищи... Не сторонник воспитания именно таким методом, но иногда без этого нельзя.. по себе знаю, что все пошло только на пользу.
11
tt-34 / Адказаць
18.06.2018 / 14:14
Какая-то недосказанность в этой новости. Меня лично п..ли и ремнем, и палками, вроде выжил, и сам ребенка воспитываю (без насилия, скорее, меня самого малявка избивает). Но я не вижу проблемы для региона в этом, особенно, концовка удивила новости про обнимашки. Можно подробнее историю узнать? Явно там и батя не идеал :)
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру