Getty Images
У амерыканскім штаце Фларыда невядомыя застрэлілі рэп-выканаўцу Джасея Дуйэна Анфроя, вядомага пад псеўданімам XXXTentacion. Пра гэта паведамляе TMZ са спасылкай на дэпартамент шэрыфа акругі Броўард.
Па дадзеных партала, 20-гадовы рэпер выходзіў з уласнага мотасалона. Калі ён падышоў да сваёй машыны, у яго некалькі разоў стрэлілі. Анфрой трапіў у кому, пазней паліцыя паведаміла пра смерць спевака.
У праваахоўных органах заявілі, што напад на XXXTentacion здзейснілі двое чарнаскурых мужчын у капюшонах. У таго, хто страляў, на твары была чырвоная маска. Падазраваныя ў забойстве рэпера з'ехалі на аўтамабілі чорнага колеру, выкраўшы ў XXXTentacion сумку Louis Vuitton.
0
0
0
0
0
0
