19.06.2018 / 15:10

Уласнікі «Паедзем, паядзім» прапанавалі «сур’ёзныя грошы», каб спыніць пратэсты ля рэстарана? 36

Амаль тры тыдні працягваецца супрацьстаянне ля ўрочышча Курапаты, дзе запрацаваў забаўляльны комплекс «Паедзем, паядзім». Актывісты штодня прыходзяць да брамы рэстарана, дзе патрабуюць закрыцця ўстановы і адкрыцця на гэтым месцы музея.

Пратэстоўцы лічаць, што ўстанова падобнага кшталту не можа знаходзіцца ў непасрэднай блізкасці ад ўрочышча, дзе масава расстрэльвалі людзей ў 1930-я. Уласнікі «Паедзем, паядзім» стаяць на сваім.

Ініцыятар пратэстаў Павел Севярынец у фэйсбуку напісаў, што ўдзельнікам акцый прапаноўвалі грошы за спыненне пратэстаў. «Таварышы Леанід, Барыс, Аркадзь ці хто там яшчэ з вамі «ў долі». Магчыма, вы будзеце здзіўленыя, але не ўсё ў гэтым жыцці прадаецца і купляецца. Памяць і годнасць, злачынства і пакаянне не вымяраюцца грашыма», — напісаў Севярынец.

«Нашай Ніве» стала вядома, што прапанова рабілася аднаму з актывістаў апазіцыйнай палітычнай партыі праз сваяка, які працуе ў той самай структуры, якой належыць «Паедзем, паядзім». Канкрэтная сума не называлася, але гаворка вялася пра «сур’ёзныя грошы».

Актывіста прасілі звесці ўласнікаў з тымі людзьмі, якія могуць прыняць рашэнне аб спыненні пратэстаў. Аднак мужчына заявіў, што лічыць такую прапанову бесперспектыўнай і адмовіўся дапамагаць. Ён просіць не агучваць сваё імя. У выніку ніякай сустрэчы так і не адбылося.

Пратэсты ў Курапатах супраць «Паедзем, паядзім» працягваюцца і сёння.

Зміцер Панкавец

7
Чытач / Адказаць
19.06.2018 / 12:54
Ну то калі гэтыя ўласнікі "паедзем-паядзім" нават на подкуп вырашылі пайсці, то пайду пратэставаць супраць гэтай установы нават я. Лепш яе прыкрыць, пакуль яна яшчэ не пачала працаваць, чым потым цярпець нешта падобнае, што творыцца зараз у кафэ "Цытадэль" у Брэсцкай крэпасці - "Гоп, гоп целегоп, мы вісіло спяваем", калі кэтае кафэ арэндуюць цёценькі на свае юбілеі...
18
Sciapan / Адказаць
19.06.2018 / 13:01
Глаза радуются, что есть молодежь, которая защищает Куропаты, символ независимости Беларуси, символ пре. Я жил в Беларуси до 2014 года и уехал по политическим и экономическим причинам. Держитесь там, надеюсь придет время, когда много людей вернется из эмиграции строить нормальную правовую страну. Я буду среди них 100%.
13
Про / Адказаць
19.06.2018 / 13:03
Самое грустное то, что на всю Беларусь или даже Минск нашлось 2 десятка активистов. наименований партий и рухов больше,чем членов.
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру