21.06.2018 / 22:04

У Вільні ідэнтыфікавалі парэшткі Кастуся Каліноўскага? 32

Такая інфармацыя прыходзіць з кулуараў міжнароднай канферэнцыі «1918 год у Літве і Польшчы з пункту гледжання цяперашняй Цэнтральнай і Усходняй Еўропы: гісторыя, палітыка, культура», якая праходзіць у Вільні.

Яшчэ напрыканцы мінулага лета ў Вільні на гары Гедыміна былі знойдзеныя парэшткі, якія меркавана маглі належыць кіраўніку паўстання 1863 года на тэрыторыі Літвы і Беларусі Кастусю Каліноўскаму.

«Маецца дастаткова доказаў таго, што сярод выяўленых астанкаў ёсць парэшткі і Канстанціна Каліноўскага», — казаў BNS прафесар Кафедры анатоміі, гісталогіі і антрапалогіі Віленскага ўніверсітэта Рымантас Янкаўскас.

Увесь гэты час літоўскія спецыялісты шукалі сваякоў Каліноўскага, каб выявіць, ці перад імі астанкі Кастуся. Той самы Янкаўскас казаў, што было б добра, каб беларускія ўлады дазволілі эксгумаваць цела брата Канстанціна Віктара, які пахаваны на тэрыторыі нашай краіны.

Шукаліся і іншыя сваякі Каліноўскага, каб мог правесціся генетычны аналіз. Магчыма, ён даў вынікі.

Неафіцыйна адзначаецца, што перапахаванне Кастуся Каліноўскага можа адбыцца ўжо 6 ліпеня на могілках Роса. Бліжэйшым часам у Літве можа адбыцца прэс-канферэнцыя з гэтай нагоды.

Не так даўно ў Вільні таксама былі знойдзеныя парэшткі іншага паўстанца — Зыгмунта Серакоўскага. У тым, што гэта Серакоўскі, амаль няма сумневаў, бо быў знойдзены ягоны заручальны пярсцёнак.

Кастусь Каліноўскі — лідар паўстання 1863—1864 гадоў на тэрыторыі Беларусі і Літвы. Ягонымі намаганнямі выдавалася газета на беларускай мове «Мужыцкая праўда».

Каліноўскі быў павешаны 22 сакавіка 1864 года ў Вільні на Лукішках. Яму было 26 гадоў.

Кастусь Каліноўскі стаў адным з сімвалаў змагання беларусаў за ўласную незалежнасць і ідэнтычнасць. На сёння Каліноўскага малюе моладзь на графіці, майках, набівае татуіроўкі. У Мінску ідзе збор подпісаў за адкрыццё помніка герою.

Чытайце таксама:

Герояў паўстання Каліноўскага пахаваюць у Вільні без беларускай дэлегацыі

Знойдзеныя парэшткі Зыгмунта Серакоўскага? Пра гэта сведчыць пярсцёнак

Пярсцёнак Серакоўскага, знойдзены на гары Гедыміна ФОТАФАКТ

«Апошняя мазурка ў Літве»: гісторыя кахання і вернасці Зыгмунта Серакоўскага і Апалоніі Далеўскай

Яшчэ пра магілу Каліноўскага — кампетэнтна

Зміцер Панкавец

3
Евгений Константинович / Адказаць
21.06.2018 / 22:17
И только наши христопродавцы как всегда в стороне. Опять "не наши герои". Как всегда. Так и хочется сказать "Чтоб вам....."
40
уши дохлого осла / Адказаць
21.06.2018 / 22:23
Все, что открывают летувисские историки с момента, как Летува вошла в ЕС (2004), -  всё эпохально, нахально, квазинаучно и смердит до ужаса националистическим шовинизмом страны, испытывающей с момента своей "кодификации" как страны в 1918 году комплекс неполноценности. Потому что никакой "Великой Литвы", как она это сама себе расскащывает, не существовало в природе - только в горячечных фантазиях баранаускасов, гудавичусов  и прочих янкаускасов  - они хватаются за все, что плохо или недосмотрено лежит у соседей, и тащат в свой дом.
74
Говори правду / Адказаць
21.06.2018 / 22:37
Сепаратист
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру