23.06.2018 / 14:54

Тры варыянты, што рабіць з рэстаранам у Курапатах — абірайце 178

22 чэрвеня ўладальнік рэстарана ў Курапатах Леанід Зайдэс сустрэўся з лідарам партыі БНФ Рыгорам Кастусёвым і амерыканскім адвакатам Юрасём Зянковічам. Па словах Кастусёва, Зайдэс выйшаў на яго праз сяброў, паведамляе Еўрарадыё

Бізнэсовец прапанаваў тры шляхі вырашэння цяперашняй сітуацыі вакол Курапат:

— уладальнік гатовы прадаць комплекс цалкам па балансавым кошце прадстаўніку грамадства, які выкарыстае забудову ў іншых мэтах,

— уладальнік гатовы ўкласці сто тысяч даляраў у мемарыял Курапаты і змяніць фармат сваёй установы — з забаўляльнага на сямейны,

— уладальнік гатовы прадаставіць адзін з будынкаў комплексу для стварэння ў ім музея «Курапаты», перадаць грамадскай і палітычнай арганізацыі на баланс гэтае памяшканне. Адгарадзіць яго ад комплексу, забяспечваць камуналку, перафарматаваць комплекс з забаўляльнага ў сямейны.

«Хацелася б па максімуму скарыстацца магчымасцю і ператварыць гэтую ўстанову ў мемарыял Курапаты. Але я разумею, што сярод прадстаўнікоў дэмакратычнага грамадства не знойдзецца чалавека, які здолеў бы выкупіць гэты комплекс цалкам і перавесці яго ў фармат мемарыялу. Калі знойдзецца такі чалавек, альбо некалькі асоб, якія хацелі б укласці сродкі, то гэта быў бы самы ідэальны варыянт», — сказаў Кастусёў. 

На 29 чэрвеня запланавана вялікая сустрэча ўладальнікаў комплексу, абаронцаў Курапат і уладаў.

<###dynamic-0###>

nn.by

0
Алексей / Адказаць
23.06.2018 / 15:03
Рэд. Дзякуй. Выправілі.
77
Ганка-самагоншчыца (рэдка каментую, але па сушчэству) / Адказаць
23.06.2018 / 15:09
Каля любога мемарыялу мае быць карчма, каб турыстам было две паесці. Таму, калі ўладальнік сапраўды зробіць там сямейную харчэўню, дзе нядорага змогуць пад’есці наведвальнікі Курапатаў, ды яшчэ і прафінансуе добраўпарадкаванне мемарыялу - гэта сапраўды найлепшы варыянт. А грамадскасць потым пракантралюе, каб там начных танцаў не было. Не разумею, навошта нехта галасуе за знос будынка - ўсё роўна прыйдзецца потым будаваць там нешта. Шаноўнае паньства, трэба ж галавой думаць, а не пачуццямі!
23
belariy / Адказаць
23.06.2018 / 15:10
2 і 3
Паказаць усе каментары/ 178 /
Каб пакінуць каментар, калі ласка, актывуйце JavaScript у наладах свайго браўзеру