23.06.2018 / 20:05

Фэйсбук пачаў выпускаць друкаваны часопіс 1

Сацыяльная сетка Facebook пачала выпускаць друкаваны часопіс Grow («Рост»), прысвечаны бізнэсу. У першым нумары распавядаецца пра нішавыя брэнды, піша FIPP.

Па словах Міколы Мендэльсона, віцэ-прэзідэнта Facebook у Еўропе, Афрыцы і на Блізкім Усходзе, ідэя выпусціць уласны часопіс з'явілася дзесьці паўгода таму на адной з канферэнцый кампаніі. Пакуль што Grow збіраюцца выпускаць раз на тры месяцы.

Часопіс ужо пачалі распаўсюджваць у залах чакання для пасажыраў бізнэс-класа аэрапорта Хітроў і на некалькіх закрытых лонданскіх пляцоўках. Для вокладкі першага нумара зняўся шведскі прадпрымальнік Оскар Олсан, крэатыўны дырэктар брэнда адзення Nylon, арыентаванага на міленіялаў.

Стваральнікі часопіса ўпарта маўчаць пра яго фінансаванне, рэдакцыйную палітыку і будучыя тэмы. Ад заснавальніка Facebook Марка Цукерберга таксама пакуль не было каментароў з нагоды Grow.

Затое на выпуск часопіса бурна адрэагаваў Хуан Сеньёр, прэзідэнт кансалтынгавай кампаніі Innovation Media Consulting, запрошаны выкладчык Оксфардскага ўніверсітэта.

«Калі найбуйнейшая лічбавая сацыяльная сетка ў свеце хоча выклікаць давер да свайго брэнду, яна запускае друкаваны часопіс… Але пачакайце, хіба друк не памёр? Хіба Facebook яе не забіў? ».

З тэкстамі Grow можна пазнаёміцца на афіцыйным сайце выдання.

nn.by

0
Centurion / Адказаць
24.06.2018 / 11:09
Завезьці выданьне ў Туркмэністан, а то там Бэрдымухамэдаў турбуецца, што ягоныя партрэты ў прыбіральню трапляюць ))) 
Каб пакінуць каментар, калі ласка, актывуйце JavaScript у наладах свайго браўзеру