23.06.2018 / 20:46

Беларускаму спеваку, што зрабіў фурор на ўкраінскім тэлешоу «Голас краіны», забаранілі ўезд ва Украіну 40

Паўфіналісту папулярнага ўкраінскага тэлешоу «Голас краіны», беларускаму спеваку Міхаілу Сасунову (Michael Soul) забаранілі ўезд ва Украіну. Пра гэта хлопец распавёў у інстаграме, паведамляе Еўрарадыё.

«Паважаныя падпісчыкі. Здымаю, напэўна, самую жахлівую відэа-гісторыю ў сваім жыцці. Але як ёсць. Мне паставілі поўную забарону на ўезд ва Украіну на тры гады. Таму мае выбачэнні перад усімі. Я цяпер на мяжы, таму што мяне высадзілі. Гэта жахліва. Мае выступы ў Кіеве і Адэсе адмяняюцца. Я вас вельмі люблю», — ледзь не са слязьмі на вачах расказвае Сасуноў. Прычыну адмовы хлопец не тлумачыць.

Міхаіл Сасуноў — адзін з самых цікавых маладых беларускіх поп-выканаўцаў. У 2016 годзе ў складзе дуэту «The Em» стаў фіналістам нацыянальнага адбору на «Еўрабачанне». Як бэк-вакаліст ездзіў на «Еўрабачанне» ў Кіеў з Naviband.

Яго выступ падчас сляпых праслухоўванняў у апошнім сезоне «Голаса краіны» выклікаў фурор. Да беларуса павярнуліся ўсе чатыры трэнеры, хлопец абраў Ціну Караль.

Летась у падобную сітуацыю трапіў яшчэ адзін беларускі артыст — Макс Корж. Каржу таксама адмовілі ва ўездзе ва Украіну нібыта з-за яго былых выступаў у Крыме. Аднак музыка напісаў заяву ў пэўныя інстытуцыі, і забарона была знятая.

nn.by

24
xxx / Адказаць
23.06.2018 / 21:03
Одним завывающим крымнашистом меньше. Пусть едет к Киркорову задним танцором.
10
ўантуфры / Адказаць
23.06.2018 / 21:15
Ва Ўкраіне поп-індустрыя вельмі развітая, моцнае поп-лоббі. Перад сёлетнім Еўрабачаннем як тут на НН у каментарах завіхаліся "агенты" Аляксеева, чый выступ апынуўся поўным правалам.
9
Рэжу на трасянцы / Адказаць
23.06.2018 / 21:18
Напэуна у Крым ездзiу праз расею
Паказаць усе каментары/ 40 /
Каб пакінуць каментар, калі ласка, актывуйце JavaScript у наладах свайго браўзеру