23.06.2018 / 21:08

Трэнер, які рыхтаваў беларускіх біятланістак да Алімпіяды, пакідае зборную 1

Старшы трэнер жаночай зборнай Беларусі па біятлоне Фёдар Свабода пакідае каманду, паведамляе «Прессбол».

Фёдар Свабода. Фота Уладзіміра Несцяровіча, прэс-служба Міністэрства спорту і турызму

Паводле інфармацыі некалькіх крыніц выдання, беларускі спецыяліст, які рыхтаваў каманду да Алімпійскіх гульняў у Пхёнчхане, звольніўся, што называецца, з канцамі. Фёдар Анатольевіч адмовіўся ад падаўжэння кантракту, дзеянне якога заканчваецца ў канцы чэрвеня.

Хто стане новым старшым трэнерам, пакуль невядома. Імёны кандыдатаў не вельмі гучныя для біятлоннага свету.

Цяпер у трэніровачным працэсе бярэ ўдзел толькі адна спартсменка з асноўнага алімпійскага складу — Ірына Крыўко. Дзінара Алімбекава праходзіць рэабілітацыю пасля аперацыі на левым плячы, Надзея Скардзіна і Надзея Пісарава кар'еры завяршылі, Дар'я Домрачава да гэтага часу не агучыла рашэнне аб працягу або завяршэнні кар'еры.

nn.by

0
аргер сергерпур / Адказаць
24.06.2018 / 09:12
Свободе главное свобода от плешивых намеков и нравоучений
Каб пакінуць каментар, калі ласка, актывуйце JavaScript у наладах свайго браўзеру