30.10.2008 / 14:18

У Беларусі створанае новае сілавое міністэрства? 4

Па Менску гуляе «чорная сотня». Гэтыя тыя, хто займаўся палітычным вышукам на карысьць беларускага рэжыму, але прайграў бітву з «маладымі ваўкамі» і застаўся бяз працы пасьля скасаваньня адразу трох структураў, якія складалі касьцяк палітычнага вышуку ў краіне.

Па Менску гуляе «чорная сотня». Гэтыя тыя, хто займаўся палітычным вышукам на карысьць беларускага рэжыму, але прайграў бітву з «маладымі ваўкамі» і застаўся бяз працы. Так цьвердзіць газэта belaruspartisan.org.

Яна сьцьвярджае, што скасаваныя адразу тры структуры, якія складалі касьцяк палітычнага вышуку ў краіне: упраўленьне па абароне дзяржаўнага ладу і грамадзкай бясьпекі ў Генэральнай пракуратуры, упраўленьне па барацьбе з карупцыяй, а таксама дзяржаўны цэнтар бясьпекі інфармацыі. Замест іх створаны апэратыўна‑аналітычны цэнтар, якія дысьлякуецца ў будынку КДБ, і менавіта яго наведваў Лукашэнка падчас свайго візыту ў камітэт.

Апошні прыезд Лукашэнкі ў будынак КДБ адзначыўся заявай пра тое, што спэцслужба павінна супрацьстаяць сусьветнаму крызысу, і ідыятызм гэтага заданьня адцягнуў увагу ад галоўнага. Цягам гэтага візыту Лукашэнка, па сутнасьці, наведваў новае сілавое міністэрства, якое было створанае таемна ад грамадзкасьці.

Апэратыўна‑аналітычны цэнтар падпарадкоўваецца асабіста Аляксандру Лукашэнку. У яго афіцыйнай назьве нават значыцца фразы «пры прэзыдэнце». Яго кіраўніком прызначаны былы начальнік ваеннай контрвыведкі памежных войскаў, палкоўнік Валеры Вакульчык. Гэты самы Вакульчык добра знаёмы з памочнікам кіраўніка краіны па нацыянальнай бясьпецы Віктарам Лукашэнкам.

Штат новай структуры сфарміраваны з абсалютна новых людзей. Гэта былыя супрацоўнікі рэгіянальных упраўленьняў КДБ (тыя, каторыя «з маладых»), шмат людзей прыйшло з памежных войскаў, а таксама з вайсковай контравыведкі.

Газэта цьвердзіць, што з «чорнымі білетамі» былі звольненыя ўсе кадры былога Дзяржсакратара Рады бясьпекі Віктара Шэймана.
«Шэйманаўскі прызыў» газэта называе «чорнай сотняй». З звольненых, кажа крыніца ў сілавых структкрах, пашанцавала толькі тым, хто змог даслужыцца да пэнсіі. Усе астатнія вымушаныя былі сыходзіць проста ў нікуды. Прычым, фармуліроўка «скасаваць», якая датычылася двух вышэйназваных упраўленьняў, увогуле не зьяўляецца юрыдычнай. Гэта не «скараціць» і не «ліквідаваць», калі звольненым выплачваюць кампэнсацыю. Больш за тое, людзей Шэймана не рэкамэндавана браць на працу нават ва ўпраўленьні бясьпекі банкаў.

Кажуць, што Віктар Шэйман спрабаваў процістаяць гэтаму, за што і паплаціўся пасадай. У сувязі з гэтым можна «фантазіраваць», хто ж стаіць за арганізацыяй «выбуху» на Дзень рэспублікі, калі выбуховай хваляй Шэймана зьнесла з высокай пасады. Сёньня Віктар Уладзімеравіч знаходзіцца фактычна пад хатнім арыштам. Хаця многія, нават набліжаныя да ўлады людзі, шчыра лічаць, што «Шэйману далі ахову». Гэта не ахова, гэта ахоўнікі.

Інфармацыю belaruspartisan.org немагчыма праверыць.

0
Анатоль Сідарэвіч / Адказаць
30.10.2008 / 15:23
Я ледзь не ўкакаўся, чытаючы гэную карэспандэнцыю. Не, гэта страшней за страшылкі. У "першай беларускай газэце" "пэрла сьлічная" за "пэрлай": занімаўся, натраўліваў, фармуліроўка. Пачынаю кампанію за чысьціню беларускае мовы ў НН! Чакайце пікету пад вокнамі рэдакцыі.
0
Віталь з Менску / Адказаць
30.10.2008 / 15:44
Не ведаю хто, каго і сколькі там набраў, але лічу, што з-пад апекі дзяржавы нельга вызваляць тых, хто надта шмат чаго патаемнага ведае і валодае рычагамі ўздзеяння на, зноў-такі, шмат каго. У часы перабудовы ўсе гэтыя "уладары патаемнага" пераплылі пад апеку камерцыйных структураў і ўліліся ў шэрагі крыміналу. Фактычна, на воле яны карысталіся кампраматам і сувязамі з дзарж структурамі, якія ў часы перамен звычайна добра прадаюць свае магчымасці. Сумлення ў такіх людзей - нуль, а жаданне грошай і ўлады зашмат. Звычка... Адсюль крымінальныя разборкі, забойствы прадпрымальнікаў і дзярж кіраўнікоў розных узроўняў. Каб Беларусь сёння не ўвалілася ў крымінальную маліну, трэба добра трымаць за жабры былых супрацоўнікаў адмысловых службаў, для якіх ніколі не было ні закону, ні сумлення, а толькі прыказ і прага салодкага жыцця за любы кошт.
0
дзівак / Адказаць
30.10.2008 / 19:57
Пачынаю кампанію за чысьціню беларускае мовы ў НН!... а насамрэч, што адбываецца з Беларускай мовай у нн? Гэта ўжо нават не эксперыменты, вы што нахапалі людзей з вуліцы?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру