У Віцебскім раёне сын з бацькам жорстка збілі наведвальнікаў кафэ ў ноч на 24 чэрвеня ў пасёлку Руба, паведамляе УСК па Віцебскай вобласці.
У 30-гадовага мужчыны паўстаў канфлікт з кампаніяй маладых людзей. Тады ён паклікаў свайго бацьку, які з'явіўся на дапамогу з нажом і бітай. П'яныя бацька і сын без разбору пабілі наведвальнікаў кафэ, сярод якіх былі абсалютна недатычныя да канфліктнай сітуацыі людзі. Пацярпелымі ад іх дзеянняў прызнаныя пяць чалавек, якія атрымалі траўмы рознай ступені цяжкасці, у тым ліку нажавыя раненні. Зламыснікі схаваліся з месца здарэння.
Каб пазбегнуць крымінальнай адказнасці, раніцай 24 чэрвеня малады мужчына пераапрануўся ў новую вопратку і самастойна звярнуўся ў медыцынскую ўстанову з траўмай галавы, а затым у міліцыю з заявай аб прыцягненні да адказнасці асоб, якія збілі яго ў кафэ. Там ён і быў затрыманы, таму што праваахоўнікі на той момант ужо аператыўна аднавілі карціну начных падзей. Старэйшага мужчыну супрацоўнікі міліцыі затрымалі па месцы жыхарства.
Распачата крымінальная справа аб асабліва злосным хуліганстве.
Цяпер чытаюць
Азараў закрыў план «Перамога» і перавёў усіх удзельнікаў у рэзерв12
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве2828
Каментары