Крымінальная справа за незаконную прадпрымальніцкую дзейнасць завялі на гендырэктара страхавога таварыства «Бі энд Бі іншурэнс Ко», паведамляе прэс-служба ГУУС Мінгарвыканкама.
З 11 красавіка Міністэрствам фінансаў было спынена дзеянне ліцэнзіі на права ажыццяўлення страхавой дзейнасці кампаніі.
«Аднак у парушэнне заканадаўства ў галіне страхавання гендырэктар арганізаваў працу па далейшым прыцягненні да страхавання аўтатранспартных сродкаў новых кліентаў — складаліся і падпісваліся дадатковыя пагадненні да раней заключаных страхавых полісах. Мужчына нелегальна атрымаў даход больш чым на 170 тысяч рублёў. Цяпер яму можа пагражаць пазбаўленне волі да 5 гадоў».
Аператыўнікі па барацьбе з эканамічнымі злачынствамі ўсталявалі амаль 300 фактаў прыняцця на страхаванне новых аб'ектаў супрацоўнікамі кампаніі.
