Інфармацыйна-аналітычная сістэма кіравання дзяржзакупкамі пачне працаваць у Беларусі з 1 ліпеня 2019 года. Пра гэта сёння журналістам паведаміў намеснік старшыні Пастаяннай камісіі па эканамічнай палітыцы Палаты прадстаўнікоў Аляксей Сокал, перадае карэспандэнт БелТА.
Палата прадстаўнікоў прыняла сёння законапраект, які прадугледжвае стварэнне дзяржаўнай інфармацыйна-аналітычнай сістэмы. Яна павінна запрацаваць з 1 ліпеня 2019 года. Сістэма будзе ўзаемадзейнічаць з усімі дзяржаўнымі інфармацыйнымі рэсурсамі, напрыклад, падатковых органаў, Мінфіна, а таксама з гандлёвымі і біржавымі пляцоўкамі. Сістэма будзе служыць пляцоўкай для апрацоўкі, аналізу, кантролю і захоўвання ўсёй інфармацыі пра дзяржзакупкі.
Скарацілі тэрміны, якія адводзяцца на падрыхтоўку і прад'яўленне дакументаў, яны будуць складаць ад 5 да 15 дзён. У тры разы — з 30 да 10 дзён — змяншаецца тэрмін разгляду скаргаў. Гэтыя і іншыя меры дазволяць паскорыць працэдуры дзяржзакупак, зробяць іх больш празрыстымі.
