27.06.2018 / 20:45

«Акадэмкніга» прапануе «Колер Беларусі» Міхала Анемпадыстава 2

Чаму «красным» у Беларусі называлі зялёны колер? Чаму чорны нам не страшны? Як чырвоны колер звязаны з развіццём тэхналогій? У кнізе апісаныя сем колераў, якімі «пафарбаваная» беларуская культура.

«Колер Беларусі» — гэта адна з першых спробаў візуалізаваць каларыстыку беларускай мінуўшчыны і сучаснасці з яе яскравымі колерамі і адценнямі, з прыроднымі структурамі, народжанымі пад уздзеяннямі трох стыхій.

Дызайнерскі альбом «Колер Беларусі» стаў апошняй вялікай працай выбітнага дызайнера, мастака і паэта Міхала Анемпадыстава.

Шыкоўная візуальная частка кнігі суправаджаецца аўтарскімі тэкстамі, якія раскрываюць галоўныя беларускія колеры — паходжанне іх назвы, гісторыю распаўсюду на асобных тэрыторыях, сімвалічную інфармацыю і тыя чыннікі, што ўплывалі на ўсталяванне пэўных каларыстычных прэферэнцый і стыляў.

Даследуючы колер як феномен культуры і маркер традыцыі, аўтар паказвае гісторыю стыляў і задае пэўны ракурс для разумення ўласнай ідэнтычнасці.

У кнізе апісаныя сем колераў, якімі «пафарбаваная» беларуская культура: белы, чорны, чырвоны, сіні, шэры, залаты і зялёны. Кожны «энцыклапедычны артыкул» праілюстраваны дзясяткам фота, дзе зафіксаваная прысутнасць колеру ў прыродзе і ў матэрыяльнай культуры.

Чаму «красным» у Беларусі называлі зялёны колер? Чаму чорны нам не страшны? Што яднае шэры і зялёны? Як звязаны чырвоны колер з развіццём тэхналогій?

Адказы на гэтыя і іншыя пытанні ёсць у кнізе Міхала Анемпадыстава.

Выданне можна знайсці ў кнігарні «Акадэмічная кніга» (пр.Незалежнасці, 72).

3
Адзін кнігалюб / Адказаць
28.06.2018 / 07:18
Вось каб жа быў журналіс-т, які б дапісаў у гэты рэкламны анонс неймаверна патрэбны сказ з істотна важнай інфармацыяй практычнга кшталту. Тая інфармацыя б прыдалася і для ахвотных займець гэту кнігу і для павелічэння рэномэ газеты НН як талковай, а не ідэалістычна-палітычна-бесталковай:
колькі кніга каштуе?
0
ОЛЬГА / Адказаць
28.06.2018 / 14:30
40 руб. 
Каб пакінуць каментар, калі ласка, актывуйце JavaScript у наладах свайго браўзеру