Сямён Шапіра падаў у адстаўку з пасады старшыні Федэрацыі хакея Беларусі ў сувязі з невыкананнем задач.
Чытайце таксама: Ліберал, які стаў жандарам. Гісторыя жыцця Сямёна Шапіры
Пра гэта ён абвясціў на канферэнцыі ФХБ. Шапіра заявіў, што хакеем павінен кіраваць чалавек з гэтай сферы.
«Я заўсёды казаў сваім падначаленым: выканаў сваю задачу —працуй, не выканаў — сыходзь. Лічу, што зараз мне трэба несці за гэта адказнасць, таму прымаю мужчынскі ўчынак — падаць у адстаўку», — заявіў Шапіра.
Ён узначаліў федэрацыю год таму. За гэты час заняўся рэфармаваннем чэмпіянату Беларусі. Нацыянальная і маладзёжная зборная пакінулі топ-дывізіён. Юніёрская каманда ўпершыню за доўгі час выйшла ў чвэрцьфінал чэмпіянату.
Яго змяніў былы хакеіст Генадзь Савілаў. Цяпер ён гуляе ў аматарскай камандзе Аляксандра Лукашэнкі і займаецца транспартным бізнэсам.
