29.06.2018 / 15:04

Супрацоўнікі АБЭЗ прыйшлі на фірму да Змітра Дашкевіча ў дзень, калі ён вёз крыжы ў Курапаты дапоўнена 43

Зміцер Дашкевіч вядзе стрым з офіса сваёй фірмы «Цесляры», куды з праверкай прыйшлі супрацоўнікі Аддзела па барацьбе з эканамічнымі злачынствамі (АБЭЗ).

Супрацоўнікі праваахоўных органаў заявілі, што цяпер вядзецца адміністрацыйны працэс і здымка забаронена, аднак Дашкевіч адмовіўся спыніць стрым.

Варта адзначыць, што праверка міліцыі прыйшла ў дзень, калі Дашкевіч з калегамі па «Цеслярах» мелі паставіць у Курапатах 12 новых вялікіх, уласнаручна вырабленых крыжоў.

Уранку Дашкевіча затрымалі па дарозе ў Курапаты, тым часам на фірму да яго выехаў АБЭЗ.

Зямлю пад забаўляльны цэнтр на МКАДзе каля месца масавых расстрэлаў грамадзян у 1937—1941 гадах Мінскі райвыканкам выдзеліў у 2000-х. У 2012 намеснік генпракурора рэкамендаваў уладам Мінскага раёна і вобласці спыніць будаўніцтва і ўказваў на парушэнні пры выдзяленні зямлі, але кіраўнікі Мінскай вобласці праігнаравалі гэты зварот. Наадварот, пры міністру Святлове Міністэрства культуры зацвердзіла такія межы ахоўных зон вакол Курапат, пры якіх рэстаран мог заставацца стаяць.

Збудаваны рэстаран назвалі спачатку «Бульбаш-холам», але ў выніку грамадскіх пратэстаў так і не адкрылі, ён прастаяў 4 гады пусты. Новая спроба адкрыць яго адбылася гэтым летам. Праціўнікі гэтага дзяжураць на пляцоўцы каля забаўляльнага цэнтра і інфармуюць людзей пра Курапаты. 

У Курапацкім лесе у брацкіх магілах ляжаць парэшткі дзясяткаў тысяч людзей, расстраляных саветамі.

Людзі патрабуюць перанесці ці перапрафіляваць будынкі «Паедзем паядзім». З асуджэннем адкрыцця рэстарана выступілі шматлікія інтэлектуалы і грамадская дзеячы — ад Святланы Алексіевіч да Мікалая Чаргінца і Вячаслава Кебіча. З імі салідарызаваліся бізнэсоўцы Юрый Зісер і Віктар Пракапеня.

Улады пакуль не зрабілі ніякіх крокаў па праверцы законнасці выдзяленні пляцу пад забудову. Затое супрацоўнікі МУС склалі больш за 60 пратаколаў на людзей, якія пратэставалі супраць «рэстарана на касцях».

Чытайце таксама:

«Квоты перавыкананы»: кашмарныя архіўныя дакументы пра 1937 год у Беларусі

Гаспадар скандальнага рэстарана ў Курапатах — 54-гадовы бізнэсмен Леанід Зайдэс

Скандал у Курапатах: колішняя тэлевядучая БТ і яе муж-бізнэсмен наехалі на аўто на двух пікетоўцаў

Пракуратура патрабавала ад Батуры спыніць будаўніцтва «Бульбаш-хола», але той не спыніў

Сяргей Гезгала

8
ўантуфры / Адказаць
29.06.2018 / 15:14
Да медыкаў-карупцыянераў абэп чамусці не ездзіў.
171
праўда што / Адказаць
29.06.2018 / 15:21
Вот это логично! Тем, кто отстаивает правду во всем, не надо бояться проверок относительно правды ведения своего бизнеса, не так ли? "У вас продается славянский шкаф?" - сказали борцу работники ОБЭП, а он начал снимать беседу... Вот тебе и стрим... Вот тебе и весь героизм... Так проходит, Дима, мирская (никчемная) слава - Sic transit, Dima, gloria mundi...
8
Пацыфіст / Адказаць
29.06.2018 / 15:21
А можа лепш ішлі б правяраць Мінкульт: падобна на тое, што там справы ня чыстыя з памяншэннем ахоўнай зоны - не за бясплатна ж яе зменшылі! А калі ўлічыць кошт зямлі ў Мінску, робіцца неяк жуткавата!
Паказаць усе каментары/ 43 /
Каб пакінуць каментар, калі ласка, актывуйце JavaScript у наладах свайго браўзеру