31.10.2008 / 13:57

АГП хоча ладзіць пікеты ў Астраўцы, мястэчках 1

Актывісты АГП Мікалай Уласевіч і Іван Крук падалі ў Астравецкі райвыканкам заяўкі, хочуць зладзіць пікеты супраць пабудовы атамнай станцыі. Як вядома, лукашэнкаўцы выбралі гэтую пляцоўку ў якасьці асноўнай.

Як паведамляе прэс‑служба партыі, акцыі хочуць правесьці ў райцэнтры і яшчэ трох мястэчках пад лозунгам «Астравецкая атамная — вам гэта трэба?».

Пікеты ў Астраўцы запланаваны на 15 і 22 лістапада, у мястэчку Міхалішкі — на 18 лістапада, у мястэчку Варняны — на 19 лістапада, Гервятах — на 25 лістапада.

Як пішуць СМІ, многія жыхары Астравеччыны дык і ня супраць АЭС, бо спадзяюцца на новыя працоўныя месцы і пабудову шматкватэрных дамоў з выгодамі. Аднак Страчанскія і Нарачанскія азёры пад бокам у АЭС страцяць свой турыстычны характар.

Што да пікетаў, то мала шанцаў, што іх дазволяць.

МБ

0
Бабай / Адказаць
01.11.2008 / 11:59
Змаўчым?Тут і да бабулі не хадзі,выглядае так што маскалі загадалі будаваць далей ад іхняй мяжы.Чаго гэта раптам такі круцель з пляцоўкай?Я не русафоб,я інтер-нацыяналіст.Дакладна так
Каб пакінуць каментар, калі ласка, актывуйце JavaScript у наладах свайго браўзеру