Беларускія турысты пацярпелі ў выніку аўтамабільнай аварыі на перавале Гамборы, паведамляе грузінскі тэлеканал «Руставі-2». Перакуліўся аўтобус, які вёз іх з Тэлаві ў Тбілісі.
Фото: rustavi2.ge
У МЗС Беларусі пацвердзілі інфармацыю пра ДТЗ. У аўтобусе знаходзіліся беларусы. 25 чалавек атрымалі траўмы лёгкай і сярэдняй ступені цяжкасці. Пасольства ў Грузіі знаходзіцца ў кантакце з пацярпелымі.
Па словах гіда кампаніі Travel to Georgia, які суправаджаў турыстаў, усяго ў машыне было 27 пасажыраў, 25 з якіх — беларусы, удакладняе «Інтэрфакс».
Па словах дактароў бальніцы ў Тэлаві, куды было дастаўлена 16 пацярпелых, у трох ўстаноўлены струс мозгу, у аднаго —пераломы канечнасцяў і яму праводзіцца аперацыя, у астатніх — нязначныя траўмы.
Фото: rustavi2.ge
На месцы працуюць ратавальнікі і паліцыя.
