01.07.2018 / 17:13

У Курапатах затрымалі Наталлю Гарачка-Басалыга 27

Затрыманне Наталлі Гарачка-Басалыга. 

У Курапатах каля рэстарацыі «Паедзем, паядзім» міліцыя ў цывільным затрымала актывістку Наталлю Гарачка-Басалыгу. Пра гэта распавёў belsat.eu абаронца Курапатаў Аляксей Сігаеў.

Наталля Гарачка-Басалыга прыехала ў Курапаты ў другой палове дня. Яна распавяла актывістам, што яе ўжо шукаюць міліцыянты — раней тыя наведваліся да яе сяброўкі. Прыкладна праз паўгадзіны пасля з’яўлення Гарачка-Басалыгі да рэстарацыі пад'ехаў міліцэйскі мікрааўтобус. Адтуль выйшлі тры міліцыянты ў цывільным і прапанавалі актывістцы праехаць з імі. Прычыну затрымання яны не патлумачылі.

Нагадаем, 30 чэрвеня міліцыя затрымала актыўных удзельнікаў абароны Курапатаў — Барыса Анікеева, Вольгу Мікалайчык, Паўла Севярынца і Дзяніса Урбановіча. Мікалайчык і Севярынец атрымалі ў выніку па 10 сутак арышту.

Ужо амаль месяц у Курапатах адбываюцца пратэсты супраць рэстарацыі «Паедзем, паядзім». На ўдзельнікаў абароны Курапатаў за гэты час складзены шматлікія адміністратыўныя пратаколы, некаторых актывістаў затрымлівала міліцыя.

Хочаш падзяліцца важнай інфармацыяй ананімна і канфідэнцыйна?

14
Ў Hrodna / Адказаць
01.07.2018 / 17:29
Вось калі пасля кожнага затрымання колькасць пратэстоўцаў будзе павялічвацца ў нашай краіны ёсць будучыня. І толькі ў такім выпадку улада пачне прыслухвацца да меркавання грамадзян. Але хутчэй за ўсё хутка ўсё скончыцца. Пратэсты сыдуць у сеціва (пакуль не набудзе сілу новая рэдакцыя закона аб СМІ)
13
Корсынский / Адказаць
01.07.2018 / 17:55
Дзякуй Вам мужныя людзi.
6
tseba / Адказаць
01.07.2018 / 17:56
почему у всех гбэшников все бусы синие???
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру