02.07.2018 / 10:52

Кандрусевіч у Будславе прыгадаў стагоддзе БНР і заклікаў да духоўнай перамены 38

Будслаўскі фэст сабраў тысячы людзей, нягледзячы на праліўны дождж.

Пасля працэсіі са свечкамі цэлебрацыю Эўхарыстыі апоўначы ўзначаліў арцыбіскуп Тадэвуш Кандрусевіч, Мітрапаліт Мінска-Магілёўскі.

Яго казань была прысвечаная маральнаму стану сучаснага чалавека і асабліва маладога пакалення.

«З аднаго боку, мы цешымся свабодай веравызнання, а з іншага перажываем новыя праяўленні атэізму, занядбанні ў жыцці паводле духа Евангелля, маральнай разбэшчанасці, скажэння паняцця Богам устаноўленага інстытуту сям’і… Наш народ здаў экзамен, захаваўшы веру ў часы ганенняў. Мы вытрывалі ў выпрабаванні несвабодай, але ці вытрываем выпрабаванне свабодай? Гэтае пытанне датычыцца кожнага з нас і асабліва моладзі, якая знаходзіцца на скрыжаванні шляхоў і часта не ведае, які з іх выбраць», — адзначыў Тадэвуш Кандрусевіч.

Звяртаючыся з Нацыянальнага санктуарыя Апякункі Беларусі да ўсіх людзей нашай краіны, арцыбіскуп Кандрусевіч прамовіў: «Нам і нашаму народу, які сёлета адзначае 100-годдзе абвяшчэння Беларускай Народнай Рэспублікі — факту, якога нельга ігнараваць, бо гэта частка нашай гісторыі, — неабходная духоўная перамена.

Распачаць яе неабходна з сябе, не шукаючы вінаватых. Неабходна на шляху шчырага дыялогу шукаць шляхоў вырашэння існуючых праблем нашага грамадства. Не кампрамісу, а дыялогу, бо калі кампраміс мае на мэце атрымаць «большы кавалак торта», то мэта дыялогу — дасягненне супольнага дабра», — цытуе словы арцыбіскупа Кандрусевіча catholic.by.

Свята Маці Божай Будслаўскай — адно з наймаштабнейшых і найурачысцейшых рэлігійных святаў краіны.

Яно штогод у пачатку ліпеня збірае да Нацыянальнага санктуарыя ў мястэчка Будслаў Мядзельскага раёна дзясяткі тысяч вернікаў розных канфесій, сюды ідуць паломнікі з усёй краіны.

Асабліва ўражвае відовішча начной шматтысячнай працэсіі з старажытным абразом Маці Божай.

Дождж, дарэчы, кажуць старыя людзі, таксама абавязковы элемент фэсту: «Абраз павінен абмыцца».

103
отец Федор / Адказаць
02.07.2018 / 11:00
Коллективизация мозгов есть твердыня любого мистического поклонения - богу ли, или власти, или предрассудкам. 
103
рабатяга / Адказаць
02.07.2018 / 11:06
в  начале  90-х   часто  ездил  в  Польшу  и  моя  родственница  мне  говорила, что    православные  попы  в  церквях  не  говорят  о  политике, а  в  костёлах  ксендзы  постоянно  на  сужбах  говорят  о  политике. вот , и  здесь   подтверждаются  её  слова. у  нас  церковь  отделена  от  государства, поэтому    отдавайте  Богу  Богово, и  не  надо  лезть  в  дела  кесаревы, не  ваше это  дело, есть  на  это  политические  партии
7
HHH / Адказаць
02.07.2018 / 11:11
Біскуп кажа відавочныя рэчы - толькі ўлада схавалася ў бульбу і баіцца пакрыўдзіць расійскіх нацыянал-фашыстаў.
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру