03.07.2018 / 11:49

Сілавікі затрымалі кіраўніка Браслаўскага раёна  64

У рэдакцыю «Нашай Нівы» звярнуўся чытач, які паведаміў, што 27 чэрвеня сілавікамі быў затрыманы старшыня Браслаўскага райвыканкама Уладзімір Дранеўскі.

Уладзімір Дранеўскі. Фота vitvesti.by.

Нібыта гаворка вялася пра тое, што Дранеўскага разам з жонкай, а таксама некаторымі падначаленымі выводзілі проста з будынка райвыканкама.

«НН» спраўдзіла гэтую інфармацыю ў двух розных крыніцах у Браславе. Усе пацвярджаюць, што Дранеўскі сапраўды затрыманы.

Кіраўнік аддзелу інфармацыі і сувязяў з грамадскасцю цэнтральнага апарату Следчага камітэта Сяргей Кабаковіч сказаў, што можа даць інфармацыю, ці сапраўды затрыманы кіраўнік Браслаўскага раёна, толькі 4 ліпеня, калі скончацца вялікія выходныя.

Уладзімір Дранеўскі адстунічаў на парадзе, які праходзіў у Браславе 3 ліпеня з нагоды Дня Незалежнасці. Абмяркоўваецца затрыманне чыноўніка і ў браслаўскіх сацыяльных сетках.

Неафіцыйна вядзецца гаворка, што «мэра» маглі затрымаць за хабар. Дакладна вядома, што чыноўнік будаваў сабе дом.

Уладзіміру Дранеўскаму 41 год. Ён родам з Чашнікаў. Скончыў Сельскагаспадарчую акадэмію ў Горках па спецыяльнасці «Механізацыя меліяратыўных і водагаспадарчых работ» і «Бухгалтарскі ўлік».

Доўгі час працаваў у родным горадзе на пасадах, звязаных з ЖКГ. У 2011 быў названы «Чалавекам года Віцебшчыны». Жанаты, мае дваіх дзяцей.

У 2015 годзе Дранеўскі стаў старшынёй Браслаўскага райвыканкама. Браслаў — раён вядомы сваім турыстычным патэнцыялам, дзякуючы вялікай колькасці маляўнічых азёр. У раёне налічваецца ажно 305 аграсядзіб.

«Шаную ў спецыялістах здольнасць бачыць і аб'ектыўна ацэньваць сітуацыю, адстойваць свой пункт гледжання і пераконваць у сваёй праўдзе. Аддаю належнае сумленным і прамым людзям», — казаў Дранеўскі ў адным з інтэрв’ю.

Зміцер Панкавец

Хочаш падзяліцца важнай інфармацыяй ананімна і канфідэнцыйна?

4
Слесар / Адказаць
03.07.2018 / 12:00
Тоже слышал, что задержан. 

Но не думаю, что кто-то из браславчан расстроится – ведь это он придумал в Браславе устраивать месяцы субботников, когда каждую субботу госорганизации выходят по очереди убираться в городе, при нём учителя(!!) начали ездить в колхозы(!!) чистить коровники и охранять силосные ямы и много подобного бреда.
124
Ясь / Адказаць
03.07.2018 / 12:06
Строил дом, что это преступление? Ел икру золотыми ложками?
5
не важно / Адказаць
03.07.2018 / 12:07
27 июня отмечали как День освобождения Браслава. Тот ещё гусь.
Паказаць усе каментары/ 64 /
Каб пакінуць каментар, калі ласка, актывуйце JavaScript у наладах свайго браўзеру