06.07.2018 / 00:27

Здымак жаўнера БНР прадаецца на інтэрнэт-аўкцыёне за $2000  8

Фота вайскоўца з бел-чырвона-белай стужкай на мундзіры некалькі дзён таму з'явілася ў продажы.

Незвычайны лот з’явіўся на беларускім інтэрнэт-аўкцыёне і адразу прыцягнуў да сябе ўвагу, і не толькі сваім зместам, але і коштам — 4000 рублёў.

Прадавец сцвярджае, што гэта «унтэр-афіцэр беларускіх вайсковых фарміраванняў. Каля 1919. Падобна, што фота зроблена ў горадзе Дзвінску (сёння Даўгаўпілс). Імаверна, унтэр-афіцэр служыў у Асобным аддзеле войск БНР пад камандаваннем ген. Булак-Балаховіча». Памеры фотаздымка — 22 х 12 см».

Аднак у каментарах іншыя ўдзельнікі аўкцыёну падаюць, што гэта, хутчэй, вайсковец беларускіх узброеных фарміраванняў ў складзе літоўскага войска. «Перш за ўсё, некаторая частка беларускіх афіцэраў захавала на мундзірах стужачку нацыянальных колераў, заснаваную К. Езавітавым у якасці знака адрознення 11 снежня 1917 г. Бел-чырвона-белая стужка павінна была насіцца паміж бортам мундзіра і прарэзам для другага гузіка зверху», — піша карыстальнік і прыводзіць у якасці прыкладу здымак:

Афіцэр кавалерыі 1-га Беларускага гусарскага эскадрону са стужкай, зацверджанай у 1917 годзе ў якасці адзнакі беларускіх вайскоўцаў. Гародня, вясна 1919 г.

Усіх дзівіць кошт здымка, хаця прадавец лічыць, што такая ўнікальная рэч і павінна дорага каштаваць, хаця і згодны патаргавацца. «У архівах ёсць фотаздымкі вайскоўцаў беларускіх фарміраванняў часоў БНР, у прыватных руках — гэта надта рэдкая рэч».

Браніслаў Крупоўскі

3
Пецька / Адказаць
06.07.2018 / 06:56
Жыве Беларусь!
2
Беларус з-за мяжы / Адказаць
06.07.2018 / 08:48
Белорусика - это недешевое направление коллекционирования. И с приближением уровня жизни Беларуси к уровню жизни восточноевропейских стран (а рано или поздно это произойдёт) цены будут только расти
1
Anarkisto / Адказаць
06.07.2018 / 09:36
Кошт адэкватны, але неактуальны. Беларускiх калекцыянерау увогуле не так i шмат, а тых, што з грамашмi й таго меней. Магчыма гадоу праз 20, калi за гэты час канчаткова не прафукаем краiну...

Тут вам не Америка... (с)
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру