Фота: Twitter Helier Cheung.
У Тайландзе працягваецца аперацыя па выратаванні дзіцячай футбольнай каманды з пячоры, выхад з якой затоплены.
План тайскіх улад прадугледжвае адпампоўванне вады з пячоры і экстранны курс дайвінга для хлапчукоў. Пасля таго, як узровень вады апусціцца, хлопчыкі ў суправаджэнні прафесійных дайвераў будуць па адным спрабаваць выбрацца з пячоры.
Тайскія ўлады паведамілі, што чацвёра хлопчыкаў ужо атрымалася выцягнуць на паверхню. Было вырашана пачаць з выратавання самых саслабелых хлопчыкаў.
У раёне выратавальнай аперацыі мясцовыя журналісты пабачылі машыны хуткай дапамогі і верталёты.
Фота: Twitter Helier Cheung.
Зараз аперацыя прыпынілася да панядзелка. Ратавальнікам неабходна 10 гадзін, каб падрыхтавацца да наступнай місіі.
