08.07.2018 / 20:54

Сярэднявечная ладдзя прыплыла ў Гродна пад музыку дуды ВІДЭА 4

Ладдзю па сярэднявечных чарцяжах пабудаваў гродзенскі рэканструктар Андрэй Блажэвіч. На гэту працу сышло амаль два гады часу. Першы сплаў па Нёмане Андрэй з сябрамі-рэканструктарамі зладзілі 8 ліпеня. Ладдзю спусцілі на ваду ў раёне Гродзенскай ГЭС. За некалькі гадзін карабель з дзясяткам пасажыраў паспяхова дайшоў да цэнтра Гродна.

Падчас гэтага воднага паходу над ладдзёй гучала адпаведная музыка — іграла беларуская дуда. Пасажыры былі апрануты па сярэднявечнай модзе. Адзінымі сучаснымі элементамі іх строяў былі аранжавыя ратавальныя камізэлькі.

Такая ладдзя з’явіўся ў Гродне ўпершыню. Назвалі яе «Інгерт», што у перакладзе з ісландскай азначае «пад абаронай Бога». Яна пабудавана па ўзору малой баявой ладдзі, што была знойдзена на ўзбярэжжы Даніі. Такія караблі спалучалі ў канструкцыі прыкметы рыбацкіх лодак і вялікіх баявых дракараў. Вікінгі выкарыстоўвалі іх для паходаў па дробных рэках і баявой выведкі.

Гродзенскі рэканструктар збіраецца выкарыстоўваць ладдзю для іншых мэтаў - катаць гродзенцаў па Нёману і ўдзельнічаць ў рэканструктарскіх фестывалях.

10
Dzyanis / Адказаць
08.07.2018 / 22:43
Маладцы, такие видосы публиковать!
В связи со всякими запретами полетов квадрокоптеров практически везде, мы наблюдаем смелые полеты у стратегически важного моста.
Смело!
3
Говори правду / Адказаць
08.07.2018 / 23:08
А почему не могут берега облагородить и сделать набережную как в Париже?
0
ПеАр / Адказаць
09.07.2018 / 12:45
Саму ладдзю и не паказали.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру