Фота з фэйсбука
У Вялікабрытаніі памерла Дона Стэрджэс, што атруцілася нервова-паралітычным рэчывам «Навічок». Стэрджэс было 44 гады. Супрацоўнікі праваахоўных органаў Вялікабрытаніі ўжо пачалі расследаваць яе гібель як забойства.
Да атручвання яна жыла ў пасёлку Дарынгтан-Уолс у раёне Солсберы.
45-гадовы мужчына Чарлі Роўлі, які разам са Стэрджэс таксама пацярпеў ад нервова-паралітычнага рэчыва, пакуль знаходзіцца ў крытычным стане ў шпіталі, дадалі паліцэйскія.
Прэм'ер-міністр Вялікабрытаніі Тэрэза Мэй, рэагуючы на навіну сказала, што яна «ўзрушаная і шакаваная»
У паліцыі лічаць, што Роўлі і Стэрджэс не маглі быць аб'ектамі замаху. Імаверна, яны ўступілі ў кантакт з нервова-паралітычным рэчывам выпадкова.
0
0
0
0
0
0