абноўлена: Xiaomi «спыняе выпуск смартфонаў»? Гэта не так
Як піша профільны рэсурс XiaomiToday, кітайская карпарацыя Xiaomi спыніла выпуск смартфонаў пад уласным брэндам. Яму на змену прыйдзе найменне POCOPHONE, пад якім яе тэлефоны і будуць прадавацца па ўсім свеце. Арыгінальны класічны брэнд, хутчэй за ўсё, назаўжды знікне альбо тэлефоны пад гэтай гандлёвай маркай будуць выпускацца толькі для ўнутранага кітайскага рынку.
Літаральна на днях кампанія Xiaomi зацвердзіла брэнд POCOPHONE у ЗША. Раней падобныя заяўкі былі адобраны ў Еўропе і яшчэ некалькіх рэгіёнах свету. Гэта значыць, што кітайская карпарацыя робіць усё магчымае для таго, каб запусціць свае фірмовыя тэлефоны ў продаж пад новым гандлёвым знакам.
Падзел брэнда Xiaomi павінен станоўча адбіцца на даверы з боку пакупнікоў, спадзяюцца вытворцы. Пакуль што невядома, як будзе выглядаць лагатып новага таварнага знака, аднак кітайская карпарацыя ўжо замацавала яго за сабой у мностве рэгіёнаў свету.
