У Цвярской вобласці канферэнцыю анархістаў «Прамухінскія чытанні», якая праходзіць на радзіме Міхаіла Бакуніна, наведалі сілавікі. Яны затрымалі грамадзяніна Беларусі, паведамляе ovdinfo.org.
Паліцэйскія прыехалі раніцай 7 ліпеня, сталі правяраць у прысутных пашпарты, фатаграфаваць дадзеныя і зазіраць у намёты. Потым яны зайшлі ў адзін з дамоў і сказалі, што паступіла паведамленне, быццам у доме знаходзяцца падазроныя асобы.
Паліцэйскія праверылі дакументы ў грамадзяніна Беларусі, увялі пашпартныя дадзеныя ў тэлефон і сказалі, што ён «неўязны». Пасля гэтага яго забралі. Па словах сяброўкі маладога чалавека, раней яму пра забарону на ўезд не паведамлялі.
Сябры затрыманага некалькі гадзін не маглі даведацца, дзе ён знаходзіцца. У Таржку міліцыянты адказвалі, што да іх такі чалавек не паступаў, аднак праз нейкі час паведамілі, што яго павезлі ў ФСБ. У якім менавіта аддзеле ФСБ знаходзіцца малады чалавек, невядома.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары