11.07.2018 / 11:51

Прэзідэнт Туркменістана сачыніў і запісаў з унукам рэп ВІДЭА 8

Прэзідэнт Туркменістана Гурбангулы Бердымухамедаў, знаходзячыся ў адпачынку ў нацыянальнай турыстычнай зоне «Аваза», склаў тэкст песні «Спартыўны Туркменістан», а яго 16-гадовы ўнук Керымгулы паклаў словы на музыку. «Падчас адпачынку прэзідэнт Туркменістана нязменна імкнецца ўдзяліць час заняткам музыкай альбо пісьменьніцкай і навуковай працы», — адзначае Turkmenportal.

Працэс стварэння песні, якая была тут жа выканана, фіксавалі тэлекамеры туркменскага тэлебачання. Сюжэт пра гэта апублікаваны на канале «Хроніка Туркменістана» у YouTube.

Песня пачынаецца словамі на туркменскай: «Спорт! Туркменістан! Выдатная «Аваза»! Прасціраецца Шаўковы шлях». Унук прэзідэнта пераклаў тэкст на англійскую мову, пасля чаго пачаў складаць музыку. «Праслухаўшы першыя акорды, кіраўнік дзяржавы адзначыў своеасаблівасць мелодыі і даў шэраг парадаў адносна далейшай прапрацоўкі яе галоўнага матыву, танальнасці і рытму», — гаворыцца ў паведамленні.

Пазней аўтары песні праспявалі яе ў стылі рэп, прэзідэнт граў на сінтэзатары, а ўнук — на гітары. Прычым куплеты спявалі па чарзе — прэзідэнт на туркменскай, а ўнук — на англійскай мове.

0
Міхась / Адказаць
11.07.2018 / 13:31
А дзе рэп?
0
гопник с малиновки / Адказаць
11.07.2018 / 14:12
Такое ощущкние что они с лукашенко соревнуются...
0
Centurion / Адказаць
11.07.2018 / 14:26
А дзе ж удзячныя радасныя слухачы, як у кліпе на песню "Кара-кум"? 
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру