11.07.2018 / 15:27

«Гэта ж крута было!» — беларусы, якіх асудзілі за акцыю ў Асвенціме, пакуль на волі 24

У студзені 2018 года дваіх беларусаў — Мікіту Валадзько і Адама Бяляцкага — прысудзілі да турэмных тэрмінаў у Польшчы. Хлопцаў пакаралі за акцыю, якую яны правялі ў Асвенціме, тады яны распрануліся і забілі ягня.

Прайшло паўгода, але і Валадзько, і Бяляцкі пакуль што на волі. Яны чакаюць разгляду апеляцыі, якую падалі адразу пасля прысуду.

Акцыя ў Асвенціме прайшла яшчэ ў сакавіку 2017 года. Тады Бяляцкі, Валадзько і яшчэ некалькі чалавек (палякі, беларусы, грамадзянін Германіі) распрануліся дагала і завесілі лозунг «Arbeit Macht Frei» расцяжкай з надпісам «Love». Яны спрабавалі прыкаваць сябе адзін да аднаго кайданкамі. Падчас акцыі Бяляцкі і Валадзько зарэзалі ягня.

Удзельнікі акцыі назвалі яе антываеннай, накіраванай супраць узброеных канфліктаў. Праўда, па словах удзельнікаў, забойства ягняці не было запланаваным, гэта была ідэя Бяляцкага і Валадзько.

Суд прайшоў у студзені. Адам Бяляцкі атрымаў 1 год і 6 месяцаў зняволення, Мікіта Валадзько — 1 год і 2 месяцы. Абодвум забаранілі мець хатніх жывёлаў цягам 10 гадоў плюс далі штрафы. Астатнія ўдзельнікі атрымалі па году абмежавання волі.

Суд над удзельнікамі акцыі. Фота — Радыё Свабода

Валадзько і Бяляцкі падалі апеляцыю, сплацілі заклад (штосьці каля 500 даляраў), таму застаюцца на волі.

Як патлумачыў «Нашай Ніве» Мікіта Валадзько, вынік разгляду апеляцыі будзе вядомы прыкладна ў верасні. Да гэтага часу хлопцы пад падпіскай: не могуць выязджаць з Польшчы і тры разы на тыдзень мусяць наведваць аддзяленне паліцыі, каб адзначацца. Калі суд вырашыць адхіліць апеляцыю, то беларусаў адправяць за краты адбываць тэрміны.

Мікіта Валадзько. Фота - Радыё Свабода

Пакуль што хлопцы працуюць. Як кажа Валадзько, «калі атрымліваецца, то ў мастацтве, калі не, то на гастарбайтарскіх працах». Але ён пра акцыю не шкадуе.

«Гэта ж крута было!» — кажа Валадзько. А забойства ягняці ў межах акцыі хлопец тлумачыць так: «Акцыя мае падраздзелы, якія робяць яе крутой. Некаторыя прыгожыя, некаторыя важныя, а некаторыя — жахлівыя».

Адам Бяляцкі. Фота — Радыё Свабода

Адам Бяляцкі таксама паведаміў «Нашай Ніве», што не шкадуе пра акцыю. На яго думку, нават калі давядзецца правесці найбліжэйшыя паўтара годы за кратамі, то акцыя была вартай гэтага.

УШ

6
788 / Адказаць
11.07.2018 / 15:37
Дуболомы!
9
Нахман / Адказаць
11.07.2018 / 15:40
Честно говоря, поляки оказались очень нежными с этими негодяями. Устраивать акции с голыми задами и прочие глупые перфомансы надо в местах, не связанных с человеческой смертью. Тем более в таких масштабах.
Я так и вижу: с одной стороны люди за решеткой и смерть, а с другой стороны дураки полностью голые овечку режут. Уже, кстати, сделан запрос на передачу дела дальше. Не отвертятся.
64
ret / Адказаць
11.07.2018 / 15:44
 Так акцыя ж сапраўды крутая была ) !
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру