11.07.2018 / 16:24

Затрыманы галоўны па мясе і малаку ў Мінскай вобласці Уладзімір Лапіцкі? 5

Паводле інфармацыі «НН», 10 ліпеня супрацоўнікі АМАП на працоўным месцы затрымалі генеральнага дырэктара «Мінаблмясамалпрама» Уладзіміра Лапіцкага.

Уладзімір Лапіцкі. Фота director.by.

У структуру «Мінаблмясамалпрама» уваходзяць Барысаўскі, Слуцкі і Мінскі мясакамбінаты, Стаўбцоўскі мясакансервавы; Мінскі малочны завод № 1, Маладзечанскі малочны камбінат, «Здравушка-мілк», Слуцкі сыраробны камбінат, а таксама УП «Ілаўскае». Гэта адно з найбуйнейшых падобных аб’яднанняў.

Структура знаходзіцца ў падпарадкаванні Мінскага абласнога выканаўчага камітэта.

На самім прадпрыемстве пакуль не пацвярджаюць гэтую інфармацыю. «Уладзімір Міхайлавіч у камандзіроўцы», — сказала сакратарка Лапіцкага.

«Не, хлопцы, званіце не да мяне, а ў іншыя органы», — адрэагаваў першы намеснік гендырэктара Уладзімір Руднік.

«Ніякіх каментароў не будзе», — адзначыў намеснік гендырэктара па прававой і маркетынгавай дзейнасці Павел Лапо.

Следчы камітэт абяцае падзяліцца інфармацыяй па гэтым пытанні бліжэйшым часам.

Уладзімір Лапіцкі быў генеральным дырэктарам «Мінаблмясамалпрама» толькі ад сакавіка 2017 года. Да гэтага ён 26 гадоў адпрацаваў на розных прадпрыемствах у Барысаве. Апошнія пяць гадоў узначальваў «Здравушку-мілк».

Уладзімір Лапіцкі нарадзіўся ў 1963 годзе ў Стаўрапальскім краі Расіі. Скончыў Магілеўскі тэхналагічны інстытут і Акадэмію кіравання пры прэзідэнце.

Адметна, што папярэдні кіраўнік прадпрыемства «Мінаблмясамалпрам» быў арыштаваны за выманьванне крэдыту і хабару.

Зміцер Панкавец

0
akm132 / Адказаць
11.07.2018 / 16:47
Вось навошта навогул гэная структура? Бавармясамалпрам:), у складе - Мюнхенскі, Аугсбургскі і Нюрбергскі мясакамбінаты і + малаказаводы...
2
Колян-Электровоз / Адказаць
11.07.2018 / 17:10
Когда уже за нефтяников возмуться?
1
dalwitz / Адказаць
11.07.2018 / 17:53
Почти по Жванецкому 😂....только заменить консерваторию Академией управления при АГЛо .
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру