12.07.2018 / 14:12

Дачка Васіля Жарко — дырэктарка модных салонаў прыгажосці ФОТЫ 46

Віцэ-прэм'ер Васіль Жарко застаецца ўскосным удзельнікам буйнога разбіральніцтва — затрыманыя дзясяткі высокапастаўленых медыкаў, аднак ён, колішні міністр аховы здароўя, застаецца на свабодзе.

Дачка Жарко: «Тата не затрыманы. Я з ім толькі што размаўляла»

«Наша Ніва» расказвае пра сям'ю ўплывовага чыноўніка.

У 1980-ыя Васіль Жарко пабраўся шлюбам з Надзеяй — начальніцай драгічынскай крамы. Разам яны жылі ў Брэсце, пасля перабраліся ў Мінск. Зараз ёй 68 гадоў.

У сям’і Васіля і Надзеі Жарко адна дачка. Вользе 28 гадоў. Яна скончыла факультэт міжнародных адносінаў БДУ, праз год выйшла замуж, цяпер гадуе сына і дачку.

Фота vk.com

Вольга Разгонава — дырэктарка сеткі салонаў прыгажосці Pastelle Salons. Гэтыя цырульні знаходзяцца ў гандлёвых цэнтрах «Тытан» і «Замак», а таксама ў гатэлі «Марыёт».

Жаночая стрыжка доўгіх валасоў з укладкай тут можа каштаваць да 80 рублёў. Столькі ж можна заплаціць і за мужчынскую стрыжку.

Сетка салонаў мае дачыненне да латвійскага бізнэсу, які заснаваў яе муж, 39-гадовы Руслан Разгонаў (Ruslans Razgonovs).

Фота Facebook.com

«Яго стварылі два на той час маладыя прафесіяналы — Руслан Разгонаў і Эдгар Заблоцкі. Для таго, каб рэалізаваць назапашаны вопыт, шматлікія задумкі і велізарны патэнцыял майстрам бракавала толькі аднаго — сустрэць адзін аднаго. Калі гэта адбылося, агульнае бачанне развіцця індустрыі моды і жаданне падарыць людзям максімальную свабоду рэалізацыі іх ідэй, дазволіла сябрам неўзабаве стаць яшчэ і партнёрамі — у 2005 годзе Руслан і Эдгар адкрылі першы салон Pastelle», — расказваецца на сайце кампаніі.

Некалькі месяцаў таму Вольга Разгонава атрымала ў падарунак ад бацькоў апартаменты ў Драздах — кватэру плошчай больш за 120 квадратных метраў. Гэта падзея супала па часе з тым, што за Нацыянальнай бібліятэкай скончылася будаўніцтва сямейнага катэджа плошчай каля 500 квадратных метраў.

Фота vk.com

Чытайце таксама:

Па слядах Пастаялкі: як Васіль Жарко зрабіў кар’еру міністра аховы здароўя

Віцэ-прэм’ер Васіль Жарко дабудаваў катэдж на 500 м2 у закрытым элітным пасёлку

Дзе жывуць і чым займаюцца дзеці беларускіх топ-чыноўнікаў ФОТЫ

Браніслаў Юрэвіч

0
I'm sorry, Dave. I'm afraid I can't do that / Адказаць
11.07.2018 / 19:47
Пральня для татавых грошай. Асноўная маса ішла праз Прыбалтыку, а на бягучыя расходы - праз сюды. 
29
Аляксей / Адказаць
11.07.2018 / 19:58
Спадзяюся баудзе "з князі у гразі". Проста зайздросць. Прабачце я нізкія пачуцці, проста бухнуў.
3
Лях / Адказаць
11.07.2018 / 20:00
Адкуль грошы, Зiн?
Паказаць усе каментары/ 46 /
Каб пакінуць каментар, калі ласка, актывуйце JavaScript у наладах свайго браўзеру