13.07.2018 / 16:57

Выйшла паштоўка, прысвечаная змагарам за Беларусь ФОТА 11

Супрацоўнікі «Радыё Рацыя» Аляксей Трубкін і Арцём Сізінцаў, стыпендыят праграмы імя Кастуся Каліноўскага Андрэй Цянюта ды графічны дызайнер Ігар Венско выдалі паштоўку, прысвечаную беларускаму антыбальшавіцкаму руху 1919—1924 гадоў.

Асновай паштоўкі, якая была выдадзена накладам у 500 экзэмпляраў, стала адмыслова зробленая каляровая версія вядомага фотаздымка партызанаў атамана Лукаша Сяменіка, якая дагэтуль была ў шырокім доступе толькі ў чорна-белым колеры і ў вельмі дрэннай якасці. Падчас вырабу паштовак выявіліся новыя факты, датычныя фотаздымка. Перадусім гэта месца (вёска Вялікае Стахава, што каля Барысава), дзе быў зроблены фотаздымак. Таксама атрымалася ўдакладніць дату — 1919, а не 1920 год, які фігураваў у беларускай гістарычнай літаратуры. Тое ж датычыць і правільнай формы прозвішча атамана Лукаша Сяменіка, якога па-рознаму памылкова называлі яшчэ ў часы дзейнасці яго партызанскага аддзела, пра што сведчыць артыкул у менскай газеце таго часу: «Беларускае жыцьцё» № 3 (25) 1920 год. Лукаш Сяменік — беларускі вайсковец, ураджэнец вёскі Траянаўка Халопеніцкай воласці Барысаўскага павета. Удзельнік Першай сусветнай вайны. Арганізатар Першага Беларускага партызанскага аддзела, які паспяхова дзейнічаў супраць бальшавікоў у Барысаўскім ды Менскім паветах у першай палове 1919 года. Аддзел налічваў каля 50 чалавек.

42
рубам / Адказаць
13.07.2018 / 20:03
Вой, а калі ж ужо нарэшце будзе выдадзеная паштоўка з Пазняком і Бенедзіктам? У шынялях і з ружжамі, як мае быць для змагароў?
46
Клио / Адказаць
13.07.2018 / 21:12
Это же национал-белогвардейцы! Рабоче-крестьянская Беларусь, продолжателем которой является современное государство на территории РБ, могла состояться только в едином государстве с Россией.
2
DVD / Адказаць
14.07.2018 / 10:55
Клио, i толькі ў адзіным хасутарсьцьве с Раіссяй - дзяржаве жулікаў і вароў! :-*
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру