23.07.2018 / 12:03

Браслаў — гэта не толькі азёры. Запрашаем у вандроўку, якая пераканае вас у гэтым 21

28 ліпеня — падарожжа па браслаўскім краі.

Браслаўскі раён здаўна лічыцца адным з самых маляўнічых куткоў Беларусі. Узгорыстыя ландшафты і мноства азёр, злучаных паміж сабой дзівоснымі ўзорамі рачулак і вадаёмаў, надаюць краю асаблівы каларыт і непаўторнасць…

Адзіным манументальным і значным па сваіх памерах будынкам у Відзах з'яўляецца касцёл Нараджэння Найсвяцейшай Марыі Панны, узведзены ў пачатку XX ст. блізу гандлёвай плошчы. Гэты будынак з чырвонай цэглы, які ўвабраў у сваю архітэктуру матывы раманскага і гатычнага дойлідства. Акрамя таго, вы пабачыце Успенскую стараверскую царкву XX ст. і магілу Томаша Ваўжэцкага (1753—1816 гг.) — грамадска-палітычнага і ваеннага дзеяча ВКЛ (актыўнага ўдзельніка паўстання 1794 г. пад кіраўніцтвам Тадэвуша Касцюшкі).

Нас чакае Опса з радавым маёнткам Плятэраў XX ст. Паходжанне роду графаў Плятэраў звязана з сярэднявечнай Германіяй. У 1210 г. упершыню згадваецца рыцар з Вестфаліі — Хумберт фон Плятэр. Род Плятэраў — адзін з самых магутных родаў ВКЛ. У іх родзе былі мецэнаты, кашталян, ваяводы, паслы, палітыкі і навукоўцы.

Сэрца старажытнага Браслава — і ў мінулым, і сёння — Замкавая гара. Нерэгулярная планіроўка са звілістымі вуліцамі і маляўніча раскіданымі на пагорках камяніцамі надае своеасаблівае зачараванне гэтаму кутку азёрнай сталіцы. У горадзе захаваліся ўзоры народнага драўлянага дойлідства, а таксама характэрная ансамблеевая забудова ў стылі мадэрн. Два культавыя помнікі канца XIX ст. — Царква Успення Найсвяцейшай Багародзіцы і Касцёл Нараджэння Найсвяцейшай Панны Марыі — сваімі вежамі фармуюць выразны сілуэт горада. З Замкавай гары адкрываецца незабыўная панарама Браслава.

У Слабодцы мы наведаем найпрыгажэйшы неагатычны касцёл Провіду Божага XX ст. Унікальная архітэктура і непаўторны інтэр'ер касцёла не пакінуць вас абыякавымі.

Упершыню Друя згадваецца ў Хроніцы Стрыйкоўскага пад 1386 г. Гэта быў невялікі горад, які знаходзіцца ля месца ўпадзення ракі Друйкі ў Дзвіну. Горад гістарычна складаўся з трох частак — Друі, Сапежына (часткі горада, якая належыла Сапегам) і Піедруя, якая знаходзіцца на супрацьлеглым баку Дзвіны (цяпер тэрыторыя Латвіі). Горад быў невялікім, і таму атрымаў Магдэбургскае права і герб параўнальна позна, у 1620 г. Найболей цікавай з помнікаў архітэктуры Друі, безумоўна, з'яўляецца былы кляштар і касцёл бернардзінцаў, заснаваны Сапегамі ў XVII ст. На беразе Дзвіны захаваўся самы стары помнік Друі — Барысаў камень XII ст.

Даведацца падрабязнасці і запісацца ў вандроўку па браслаўскім краі можна па тэлефонах:

(17) 203-69-70
(17) 226-03-02
(29) 682-58-07
(29) 772-77-58

Болей інфармацыі — на сайце www.zamak.by.

Фонд «Краіна замкаў». УНП 690382807

16
Palak / Адказаць
16.07.2018 / 11:13
Wspaniałe polsko-litewskie dziedzictwo...
4
Ок / Адказаць
16.07.2018 / 11:33
Цікавая вандроўка.
21
Национальные парки для того. чтобы там сохранять приро / Адказаць
16.07.2018 / 14:17
Что это за странные экскурсии. где место естественной природе? Белорусские заповедники и природа - это легкие Европы. где можно разводить каких-то овц. которые в свободном выпасе пасутся, как в Новой Зеландии. где можно сеять какие-то лекарственные травы. потому что экология позволяет их выращивать. Экскурсии какие-то на базы охраны природы могут быть. где лечат диких животных и птиц, а чего шастать там, где сохраняется природа? Нужно вообще всех Белорусов переселять в города. численностью около миллиона, все будут жить в "столицах" и построить всем загородные усадьбы с современными дворцами. где и будут ближе к природе, когда еще могут возделывать соток 30 земли. но не в поселках, а в усадебных местечках, когда выход с собственного двора в поле или лес. где и есть природа. но без опасных и хищных животных. Работать нужно в реальном секторе экономики и сфере обслуживания, что для граждан нужно. а не зазывать в заказники и заповедники. где природа и какие-то дома только для тех. у кого какие-то дома в собственности сейчас есть. где будут заповедники. Эти люди привыкли жить рядом с живой природой. они не пойдут туда. где волки ради адреналина или селфи,  знают где живут. 
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру