13.07.2018 / 19:43

У Брэсце інспектар ДАІ выпісаў штраф кіроўцу хуткай, які вёз пацыента ў бальніцу ВІДЭА дапоўнена 27

10 ліпеня ў Брэсце супрацоўнік ДАІ спыніў хуткую, якая везла пацыента, каб выпісаць штраф за парушэнне правіл дарожнага руху. Кіроўца хуткай праехаў скрыжаванне на чырвоны сігнал святлафора, пры гэтым пробліскавыя маячкі не былі ўключаныя.

Варта адзначыць, што ў аўтамабілі хуткай дапамогі знаходзіўся хворы, які патрабаваў шпіталізацыі — у яго быў пералом ключыцы.

Адзін з пешаходаў зняў інцыдэнт на відэа. Ён спрабаваў пагутарыць з супрацоўнікам ДАІ, аднак той пагражаў яму ужываннем фізічнай сілы.

Асцярожна, у відэа ёсць нецэнзурныя словы.

Здарэнне абурыла інтэрнэт-карыстальнікаў, аднак ДАІ ў адказ апублікавала на сваім канале ў YouTube запіс з рэгістратара ў службовым аўто. На роліку бачна, што карэта хуткай перасякае скрыжаванне на чырвоны сігнал без уключаных маячкоў. Кіроўца з парушэннем пагадзіўся.

Па факце інцыдэнту УУС Брэсцкага аблвыканкама пачало праверку. Высвятляецца, ці была неабходная тэрміновая медыцынская дапамога чалавеку, які знаходзіўся ў машыне хуткай.

Інцыдэнт «Брэсцкай газеце» пракаментавалі медыкі.

«Сітуацыя не паўплывала на здароўе хворага. Яго дастаўлялі з траўмай пляча ў стацыянар, зараз ён сябе адчувае здавальняюча», — распавяла загадчыца філіяла «Станцыя хуткай медыцынскай дапамогі» Валянціна Пашкевіч.

5
Захарова Татьяна Викторовна (Брест ) / Адказаць
13.07.2018 / 19:58
 Гражданин Инспектор - вы  ПРЕСТУПНИК  в погонах при исполнении !   За ваши действия - вас накажет  не только Бог !
8
Гражданин России / Адказаць
13.07.2018 / 20:10
Я искренне верю, что белорусских граждан сейчас обуяла гордость за эту ситуацию и этого инспектора, сокола Шуневича. Вы, действительно, не русские. А гордая, маленькая, европейская страна, выстрадавшая уважение к народу со стороны властей. Ура-а-а-а-а!
0
Ганьба прагніўшаму палітбюро! / Адказаць
13.07.2018 / 20:14
Я шчыра кажучы больш здзіўлены таму, што ў паліцэйскай дзяржаве засталіся людзі здольныя па абсалютна ўласным жаданні ўступаць у палеміку з міліцыяй. Значыць не ўсё страчана.
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру