14.07.2018 / 10:26

Археолагі знайшлі рэшткі замка часоў ВКЛ у полі ў Карэліцкім раёне ВІДЭА 58

На ўзгорку пасярод поля на паверхню паднялі рэшткі драўлянага замка часоў Вялікага Княства Літоўскага, распавядае АНТ.

Драўляныя замкі ніколі раней так пільна не вывучаліся. Іх нават знайсці цяжка, бо дрэва спарахнела, пад зямлёй адшукаць хоць нешта — гэта поспех. А тут — найважнейшая знаходка — уязная вежа ў сярэднявечны замак.

Археолагі па сантыметры адкрываюць элементы ўмацаванняў старадаўняга замка ў Беразаўцы. Камень за каменем на паверхні з'яўляюцца падмуркі некалі параднай уязной вежы. Знаходка ўнікальная для гісторыкаў. Аказалася, падмуркі абарончых збудаванняў драўляных замкаў у XVI стагоддзі рабілі не з дрэва, як лічылася, а з валуноў.

З боку замак — гэта парослы зелянінай узгорак пасярод поля, але ў XVI стагоддзі тут віравала жыццё. Сям'я Кмітаў атрымала зямлю ў падарунак ад вялікага князя і пабудавала рэзідэнцыю. 95 на 60 метраў — буйны па тых часах двор, шмат прыслугі і набліжаных. Тут было ўсё для жыцця: панскі дом, памяшканні для прыслугі, гаспадарчыя пабудовы і свая царква. У XVI стагоддзі трапіць у замак можна было праз мост. Засталіся ямы для яго апор. А наперадзе і сама вежа — 30 квадратных метраў. Пасярэдзіне — вароты, па баках — памяшканні для стражнікаў.

Навукоўцы і валанцёры з усёй краіны працуюць тут ужо другі тыдзень. Кажуць, што ўезд у двор — найкаштоўнейшае месца для археолага, бо тут хадзіў кожны жыхар замка. Раскоп усяго 10 на 6 метраў, але ў ім чаго толькі няма: гаршкі, манеты, кафля, пломбы для дакументаў ці тавараў, упрыгажэнні і нават музычныя інструменты.

Каб знайсці месца, адкуль пачыналася рэзідэнцыя, навукоўцам спатрэбілася пяць гадоў. Цяпер вылічыць астатнія пабудовы комплексу будзе прасцей: у 1636 годзе новы ўладальнік замка з роду Радзівілаў падрабязна апісаў сваю маёмасць.

Таксама навукоўцам трэба будзе знайсці абарончыя сцены і дзве вежы. На поўнае даследаванне замкавага комплексу сыдзе не адзін дзясятак гадоў. Аднак пабачыць, як маглі выглядаць уладанні Кмітаў, можна будзе ўжо ў наступным годзе. Навукоўцы рыхтуюць 3D-мадэль аб'екта і мараць, што ў будучыні гэтае месца стане не менш папулярным у турыстаў, чым размешчаны непадалёк Мірскі замак.

nn.by

1
justman / Адказаць
14.07.2018 / 10:42
Хоць нешта карыснае ад АНТ)
107
Белорус / Адказаць
14.07.2018 / 11:36
В Крыму что-то нашли прямо сейчас почему-то. что еще ни то до всемирного потопа. ни то до ледникового периода. у нас какие-то падмурки откопали. Кому нужны в Беларуси падмурки. которых в любом районе полно, что ничего нового не может дать нам сейчас для того. чтобы это сейчас как-то использовать? Может нужно перестать "историков" кормить. чтобы в школу шли детей учить. а не работу себе придумывали. которую будут требовать оплачивать. но которая ничего не дает для дальнейшего развития общества и прогресса? Зачем знать всю историю прошлого. если делать нужно что-то основываясь на том. что сейчас имеем. думая что будет хорошо лично для нас и наших детей в будущем? Деньги нужно тратить на будущее. а не  на прошлое. да еще которое жуткое и ужасное. где войны. убийства. голод и жертвы. опыт чего даже вреден для распространения. Уже книжки читают про Гитлера и Станина с подробностями преступлений. чтобы их копировать и повторять здесь и сейчас. Россия дошла до состояния нацисткой Германии. в библиотеке книжки выискивая про то. как добиться хорошей жизни для себя здесь и сейчас и охламоны только методы Гитлера и Сталина нашли. все остальные "чертежи". уже неактуальны. на телеги и колесницы никому не втюхаешь. 
27
Черная Русь / Адказаць
14.07.2018 / 12:11
Белорус,дай примеры того, как Россия дошла до уровня нацистской германии..  
Паказаць усе каментары/ 58 /
Каб пакінуць каментар, калі ласка, актывуйце JavaScript у наладах свайго браўзеру