15.07.2018 / 11:24

«Мы бачым папераджальныя знакі»: кіраўнік разведкі ЗША параўнаў кібератакі з падрыхтоўкай тэрактаў 11 верасня 5

Кіраўнік Нацыянальнай разведкі ЗША Дэн Коўтс распавёў пра маштабную хвалю кібератак, якой падвяргаецца інфраструктура ў ЗША, перадае CNN. Паводле яго слоў, падобныя «папераджальныя знакі» назіраліся перад тэрактамі 11 верасня.

«Мы бачым папераджальныя знакі … Я веру, што гэта крытычны пункт для нас. Сёння лічбавая інфраструктура нашай краіны ў літаральным сэнсе знаходзіцца пад атакай», — заявіў Коўтс на выступе ў Вашынгтоне.

Коўтс параўнаў гэтую сітуацыю з той, з якой ЗША сутыкнуліся перад тэрактамі 11 верасня. «За некалькі месяцаў да 11 верасня 2001 года, як казаў экс-кіраўнік ЦРУ Джордж Тэнет, сістэма «мігцела чырвоным». І вось, праз дваццаць гадоў, я выступаю перад вамі і кажу: сігнальныя агні зноў мігцяць чырвоным колерам».

Па словах кіраўніка Нацыянальнай разведкі, галоўнымі арганізатарамі кібератакі на амерыканскую інфраструктуру з'яўляюцца Расія, Кітай, Іран і Паўночная Карэя. Расію ў гэтым спісе Коўтс выдзеліў асабліва, назваўшы яе «самым агрэсіўным замежным акторам». Расія, сцвярджае ён, працягвае «свае намаганні па падрыву дэмакратыі».

Коўтс назваў галоўныя мэты кібератакі з-за мяжы: імі апынуліся сеткі федэральнага ўрада, вайсковых, мясцовых органаў улады і сеткі буйных прадпрыемстваў.

8
⋆Апрель⋆ / Адказаць
15.07.2018 / 14:04
К чему это отнести?
К реальным событиям или к истерии маразматика?
Хочется же объктивности............
7
Адам Чумак / Адказаць
15.07.2018 / 14:22
затое у Трампа Расея- лепшы сябар
0
Radykal / Адказаць
15.07.2018 / 20:08
Яшчэ раз: не акторам, а актарам! Гэта два розныя словы.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру