15.07.2018 / 17:40

У Туркменістане забаранілі продаж алкаголю 11

У сталіцы Туркменістана і абласных адміністрацыйных цэнтрах забаранілі продаж алкагольных напояў. Як паведамляе Радыё Азатлык, паводле вуснага загаду, туркменскія ўлады вядуць працу па канфіскацыі спіртных напояў з прылаўкаў гандлёвых пунктаў.

Цяперашні этап барацьбы супраць продажу алкаголю ў краіне пачаўся пасля прыняцця 5 ліпеня «Нацыянальнай праграмы па прафілактыцы шкоднага ўздзеяння алкаголю ў Туркменістане на 2018—2024 гады».

Пра тое, як вядзецца неафіцыйная, але сур'ёзная шырокамаштабная барацьба супраць продажу алкаголю, спасылаючыся на словы ўладальнікаў крам, распавёў назіральнік з Ашхабада Аманмурат Бугаеў.

«У панядзелак [9 ліпеня] некалькі ўладальнікаў магазінаў расказалі, што будуць адбіраць алкаголь з прыватных крамаў. Ёсць размовы, што хочуць сабраць спіртныя напоі з усіх прыватных крам, я таксама сёння ўвечары пасля закрыцця базару збіраюся павезці ўвесь алкаголь са сваёй крамы», — сказаў мне адзін знаёмы гандляр», — распавёў Аманмырат Бугаёў.

Паводле яго слоў, услед за паведамленнямі аб канфіскацыі спіртных напояў, на наступны дзень сапраўды пачаліся рэйды.

Карэспандэнт Азатлык у Ашхабадзе высветліў некаторыя падрабязнасці магчымых прычын актывізацыі барацьбы з продажам алкаголю ў краіне.

У Туркменістане ў апошнія некалькі месяцаў павялічыліся выпадкі атручвання людзей спіртнымі напоямі, нават былі выпадкі са смяротным вынікам. Асабліва шмат такіх выпадкаў было ў некаторых раёнах Дашагуз, Лебапа і Мары.

«Паведамляюць, што ў краіну быў ўвезены метылавы спірт. І, магчыма, яго выкарыстоўвалі замест этылавага спірту. У выніку было шмат выпадкаў атручванняў, нават смяротныя выпадкі. Па гэтай прычыне праводзяцца праверкі на рынках, у прыватнасці былі канфіскаваныя алкагольныя тавары невядомага паходжання», — дадаў журналіст.

6
⋆Апрель⋆ / Адказаць
15.07.2018 / 19:03
А зачем им алкоголь, тем более Аллах пить не разрешает? Очень даже обойдутся "травкой" и прочей подобной дрянью, тем более, что Аллах на это смотрит благосклонно.
Ну, а если понадобится "бухло" - самогонщики обеспечат и существенно поправят свое материольное положение.
3
Guinness / Адказаць
15.07.2018 / 19:43
вось вам і "ушчымленіе рускаізчынага насіленія"
3
Х) / Адказаць
15.07.2018 / 20:32
Борьба с алкоголизацией населения именно так и должна вестись - полный запрет! А вот только будто бы по причине массовых отравлений,- это разработка... Дело в другом: сейчас любители обогатиться на здоровье граждан,особенно всякие Зайдисы хлынут толпой в другие страны СНГ. Вот в Беларуси,например дороги строятся, а придорожный сервис недостаточно развит... Не пропадать же добру.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру