16.07.2018 / 07:53

Туск пасля слоў Трампа аб ЕС абвінаваціў яго ў распаўсюдзе фэйкавых навін 16

Кіраўнік Еўрарады Дональд Туск абвінаваціў прэзідэнта ЗША Дональда Трампа ў распаўсюдзе фальшывых навін пасля таго, як ён назваў ЕС «праціўнікам» Злучаных Штатаў у гандлёвай сферы. Пра гэта старшыня Еўрапейскай рады напісаў на сваёй старонцы ў Twitter.

«Амерыка і ЕС - лепшыя сябры. Той, хто кажа, што мы ворагі, распаўсюджвае фэйкавыя навіны», - пракаментаваў Туск выказванні Трампа.

Апошні напярэдадні, перад вылетам з Вялікабрытаніі ў Хельсінкі на сустрэчу з прэзідэнтам Расіі Уладзімірам Пуціным, у гутарцы з журналістам CBS News уключыў ЕС у лік «канкурэнтаў» ЗША. З еўрапейскім блокам Штаты, на думку Трампа, супернічаюць у гандлёвай сферы. «У гэтым сэнсе яны сапраўды скарысталіся намі», - упэўнены палітык. «Многія з гэтых краін знаходзяцца ў НАТА, і яны не плацяць па сваіх рахунках», - растлумачыў Трамп.

Адносіны паміж Брусэлем і Вашынгтонам абвастрыліся на фоне гандлёвай вайны. Яе прычынай стала ўвядзенне адміністрацыяй прэзідэнта ЗША пошлін на сталь і алюміній з ЕС. Брусэль у адказ на гэта ўвёў павышаныя пошліны на шэраг тавараў са Злучаных Штатаў.

15
Рыгор / Адказаць
16.07.2018 / 08:44
Трамп сказаў праўду. З самага пачатку паўставання ЕС, ЗША ўспрымала яго як гандлёвага канкурэнта. ЕС гэта праект па эканамічнай дамінацыі Германіі. Германія не мела такіх гандлёвых уплываў нават пры Гітлеры, якія мае цяпер. Гэта палохае большасць краін Еўропы, членаў ЕС, што ўжо казаць пра прамую канкурэнцыю ЗША. А Туск гэта палітычны клоўн, нямецкі "puppet" з Польшчы.
9
Бенедзікт / Адказаць
16.07.2018 / 09:11
Вось цікава, хіба Трамп выказаўся недакладна? На мой погляд ён выказаўся досыць дыпляматычна.

Хіба Нямеччына, Галяндыя і інш. краіны ЭЗ не падтрымліваюць эканоміку Расеі праз закуп  вуглевадародаў і іншай сыравіны?

Хіба не краіны ЭЗ устанавілі мыта на аўтамабілі ЗША ў памеры  10%, у той час, як ЗША трымалі мыта на аўтамабілі Нямеччыны 2,5%? Не будзем ужо казаць аб іншых амэрыканскіх таварах, на якія краіны ЭЗ устанавілі высокія мыты,  значна вышэйшыя, чым ЗША на тавары ЭЗ...

Менавіта таму  ЗША і прапанавалі правесьці перамовы, каб выправіць сітуацыю, але ЭЗ адмовіўся. Пасьля гэтага ЗША паднялі мыты, каб прывесьці ў сьвядомасьць такіх, як Туск...

Але як бачым менавіта Туск заняўся распаўсюджваньнем фэйк-навінаў абвінавачваючы ў гэтым ... Трампа.
6
пфф / Адказаць
16.07.2018 / 10:06
Радуют евроренегаты в коментах, поддеривающие пропутинского трампа, который расщатываеь европу. Кто бы мог подумать, что бенедикт и ему подобные будут за политику путина
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру