16.07.2018 / 11:54

Пракурор запатрабаваў для журналіста Галко тры гады пазбаўлення волі 12

Дзяржабвінаваўца запатрабаў для журналіста Дзмітрыя Галко, які абвінавачваецца ў гвалце ў дачыненні да супрацоўніка органаў унутраных спраў, 3 гады пазбаўлення волі.

— Прашу ўлічыць станоўчыя характарыстыкі Галко і ўлічыць, што ён не стаіць на уліках. У сувязі з гэтым прашу суд прызнаць Галко вінаватым у здзяйсненні злачынства па артыкуле 364 і прысудзіць да трох гадоў пазбаўлення волі, — зачытала дзяржабвінаваўца.

Адвакат Галко падчас судовага паседжання зачытала некалькі характарыстык ад былых працадаўцаў падсуднага: некалькіх газет і Беларускай асацыяцыі журналістаў.

- У характарыстыцы з «Эканамічнай газеты» гаворыцца, што да выканання сваіх службовых абавязкаў ставіцца адказна, дысцыплінаваны, ніякіх дыскусій, акрамя газетнай тэматыкі, не вёў. Характарыстыка з «Новага часу»: у газеце ён працаваў з 2009 па 2013 год, займаўся тэмай, звязанай з грамадзянскімі актывістамі, украінскай тэматыкай, трапіў ва Украіне ў палон, - зачытала адвакат.

Дзяржабвінаваўца зачытала дадзеныя следства. Згодна з імі, падсудны паказаў, што супраціўлення не аказваў, удары міліцыянтам не наносіў.

— Але з паказанняў сведкі Чыркова стала вядома, што Галко адчыніў дзверы ў стане алкагольнага ап'янення, а калі Чыркоў паказаў сваё пасведчанне, каб прайсці ў кватэру, Галко стаў хапаць яго за службовае абмундзіраванне, і абодва апынуліся на падлозе ў кватэры. Галко лаяўся нецэнзурна, выштурхваў Чыркова з пакоя. Абвінавачаны нанёс Чыркову ўдар па руцэ, калі той спрабаваў выклікаць па тэлефоне падмацаванне. Пасля гэтага ў пакой увайшоў сын Галко Ян і стаў наносіць удары Чыркову. Чыркоў зваліўся на падлогу і Галко ударыў яго яшчэ некалькі разоў. Чыркоў таксама бачыў, як Галко парваў куртку Казаноўскаму — той знаходзіўся ў цывільным адзенні, — зачытала дзяржабвінаваўца.

7
Веравойша / Адказаць
16.07.2018 / 12:02
Асоба апасны праступнік
1
Уладзімір / Адказаць
16.07.2018 / 12:10
Гэтак званыя пракуроры, з дыпломамі з падземных пераходаў задаўбалі ўжо. 
Калі ўжо закончыцца гэтая навала? Можа ўжо скора? Абрыдла глядзець і слухаць!
1
Ганьба прагніўшаму палітбюро! / Адказаць
16.07.2018 / 12:48
У іх у паказаннях такія супярэчнасці, што ім не тое, што следства складаць нельга, а нават дзіцячы сэрыал здымаць.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру