16.07.2018 / 14:30

Жоўтыя вазы на мінскім праспекце Незалежнасці перафарбуюць пасля петыцыі гараджанаў 8

Выявілася, што, вазы сталі жоўтымі незаконна — без узгаднення з Мінкультам так рабіць з гісторыка-культурнай каштоўнасцю нельга, піша Радыё Свабода.

Камітэт архітэктуры і горадабудаўніцтва пры Мінгарвыканкаме адрэагаваў на зварот шасці соцень карыстальнікаў сайту Petitions.by наконт вазаў на праспекце Незалежнасці, якія раптам сталі ярка-жоўтымі ў маі гэтага года.

Першая намесніца старшыні камітэта Алена Сухадолава ў адказе на зварот піша, што балюстрада і агароджа моста праз Свіслач, што між плошчай Перамогі і цыркам, прызнаная аб’ектам гісторыка-культурнай каштоўнасці, стан якога мае ахоўвацца.

Фарбаванне балюстрады было выкананае балансатрымальнікам без узгаднення колеравага рашэння, сцвярджаецца ў адказе, таму камітэт накіраваў у «Гаррэмаўтадар» і адміністрацыі Першамайскага і Цэнтральнага раёнаў патрабаванне прыняць захады ў прывядзенні аб’екта ў належны стан.

З адказу не да канца зразумела, ці стануць вазы зноў белымі, якімі былі дзясяткі гадоў да «пажаўцення»: на момант, калі пісаўся адказ, «балансатрымальнік звярнуўся ў Міністэрства культуры па дачу рэкамендацый у колеравым рашэнні балюстрады».

1
0 / Адказаць
16.07.2018 / 14:55
Цяпер увесь мост у жоўты колер перафарбуюць.
2
хамса / Адказаць
16.07.2018 / 15:28
я б пафарбавала іх у шэры ці светла-тэракотавы, ці іншы прыглушаны колер
9
Клёк / Адказаць
16.07.2018 / 16:01
Было б добра, каб за кошт пікетоўшчыкаў
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру