16.07.2018 / 15:47

Серыял пра Янку Купалу здымае рэжысёр кліпа «Как упоительны в России вечера» 9

Пробы на ролю Янкі Купалы

«Беларусьфільм» пачынае здымкі 4-серыйнага фільма пра Янку Купалу. Рэжысёрам-пастаноўшчыкам гістарычнай драмы пра трагічны лёс народнага паэта Беларусі будзе акцёр і рэжысёр Уладзімір Янкоўскі, вядомы найперш сваімі рэкламнымі ролікамі і музычнымі кліпамі для Анжалікі Агурбаш, гурта RAGE, праектаў «Кипелов» («Я здесь»), «Белый орёл» («Как упоительны в России вечера») і Макса Каржа («Бессонница»), піша Еўрарадыё.

Працоўная назва фільма — «Пакуль будзе неба» — крыху перароблены радок з верша Янкі Купалы «Не загаснуць зоркі ў небе». Верш, напісаны ў 1911 годзе і мае прысвячэнне «Нашай Ніве». Пакладзены на музыку Міколам Янчуком і Міколам Равенскім, у першай палове ХХ стагоддзя ён выконваўся як беларускі гімн.

Аўтар сцэнару фільма «Пакуль будзе неба» — Алёна Калюнова. Яе папярэднія працы — фільмы «Ба-бу» (2013) і «Інсайт» (2009).

Кінапраекту прысвоены статус нацыянальнага фільма. Першы здымачны дзень запланаваны на 20 ліпеня.

5
Ліцьвін металіст / Адказаць
16.07.2018 / 16:41
Калі беларусь фільм узяўся, то усё адно на выхадзе будзе расейскамоўнае з дадаткам трасянкі кіно з вайной і немцамі, іншага гэтыя таварышы не здымаюць
0
Игорь / Адказаць
16.07.2018 / 20:45
Основа сюжета, как народный поэт любил советскую власть? Или все таки правду расскажут?
0
/// / Адказаць
16.07.2018 / 22:14
Пэўна, па-руску будзе?
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру