Ліст, які апавяшчае пра стварэнне ў Беларусі ІТ-роты, атрымалі з ПВТ кампаніі-рэзідэнты Парку. Пра гэта dev.by распавялі ў некалькіх кампаніях.
«У адпаведнасці з рашэннем міністра абароны Рэспублікі Беларусь ва ўстанове адукацыі «Вайсковая акадэмія Рэспублікі Беларусь» створана рота інфармацыйных тэхналогій, — гаворыцца ў дакуменце. — Мяркуецца, што роту будуць камплектаваць асобы, якія маюць вышэйшую адукацыю па профільных ІТ-спецыяльнасцях з лістапада 2018 года».
Прадстаўнікі Вайсковай акадэміі запрашаюць прадстаўнікоў кампаній-рэзідэнтаў Парку на сустрэчу.
У ходзе сустрэчы, якая прызначаная на 20 ліпеня, «таксама плануецца абмеркаваць усе праблемныя пытанні, звязаныя з прызывамі на тэрміновую службу і службу ў рэзерве супрацоўнікаў кампаній ПВТ».
У прэс-службе Мінабароны dev.by пацвердзілі інфармацыю пра стварэнне ІТ-роты. «Такімі рэчамі не жартуюць», — сказалі там.
