Прэзідэнт ЗША Дональд Трамп заявіў, што сустрэча з прэзідэнтам Расіі Уладзімірам Пуціным змяніла адносіны паміж ЗША і Расіяй і зараз Вашынгтон і Масква павінны знайсці спосабы супрацоўніцтва на аснове агульных інтарэсаў. Пра гэта ён заявіў па выніках двухбаковай сустрэчы з Пуціным у Хельсінкі.
Фота: kremlin.ru.
Па словах Трампа, сённяшнія перамовы з Пуціным значна палепшылі адносіны паміж дзвюма краінамі.
Трамп падкрэсліў, што і ЗША, і Расія адказныя за цяперашні крызіс у двухбаковых адносінах. Паводле яго слоў, Масква і Вашынгтон «здзейснілі некаторыя памылкі».
«Я лічу адказнымі абедзве краіны. Мяркую, што Злучаныя Штаты вялі сябе па-дурному. Мы ўсе былі дурнымі», — сказаў прэзідэнт ЗША.
Нагадаем, што 16 ліпеня ў сталіцы Фінляндыі Хельсінкі адбылася сустрэча прэзідэнтаў ЗША і Расіі.