16.07.2018 / 23:29

У Гомелі вынеслі прысуд бандзе «чорных рыэлтараў» 1

Банда дзейнічала з 2010 па 2015 год. Кіраўнік злачынцаў прыдумаў некалькі схем. Ашуканцы альбо шукалі кватэры, гаспадары якіх памерлі і не пакінулі жыллё ў спадчыну, або «кідалі» уладальнікаў кватэр, якія мелі праблемы з алкаголем, не працавалі і не плацілі «камуналку».

Злачынцы прапаноўвалі прадаць жыллё і купіць меншае і таннейшае, а ў выніку гаспадары аказваліся на вуліцы.

У выпадку з кватэрамі без гаспадароў у ход ішлі падробленыя дакументы. Афармлялася спадчына на падстаўных асоб. Затым незаконна ўспадкаванае жыллё прыватызавалася і прадавалася.

Суд прысудзіў кіраўніка банды да 10 гадоў пазбаўлення волі ў калоніі строгага рэжыму. Яго змоўшчык правядзе пяць гадоў у гэтай жа установе, а хаўрусніца — шэсць гадоў у калоніі агульнага рэжыму.

1
пиримидон / Адказаць
17.07.2018 / 12:19
что они пишут - "незаконно унаследованное жилье приватизировалось"? приватизация, это выкуп государственной собственности в частную. а государственная собственность наследоваться не может.
https://nn.by/?c=ar&i=212778&lang=r
Каб пакінуць каментар, калі ласка, актывуйце JavaScript у наладах свайго браўзеру